الەمنىڭ تاعى ەكى ەلىندە كوروناۆيرۋستى جۇقتىرۋ دەرەكتەرىنىڭ سانى ءبىر ميلليوندىق مەجەدەن اسىپ، انتيرەكورد ورنادى.

بۇعان دەيىن ميلليوندىق مەجەدەن ءتورت مەملەكەت – امەريكا، ءۇندىستان، برازيليا جانە رەسەي اسقان بولاتىن. ەندى بۇل تىزىمگە ەۋروپاداعى يسپانيا مەن لاتىن امەريكاسىنداعى ارگەنتينا قوسىلدى. ەكى ەل دە كوروناۆيرۋستىڭ ەكىنشى تولقىنىمەن كۇرەس جۇرزىگىپ جاتىر.

نەگىزى ارگەنتينادا ناۋرىزدىڭ اياعىندا قاتاڭ كارانتين ەنگىزىلىپ، ىندەتتىڭ تارالۋى باسەڭدەگەن. الايدا شەكتەۋ شارالارىنىڭ جەڭىلدەتىلۋى سالدارىنان اۋرۋ قايتا ءورشي تۇسكەن. اسىرەسە، سوڭعى ايدا دەرەكتەر سانى كۇرت ارتقان. ىندەتتىڭ ورشۋىنە بايلانىستى قازىر جانساقتاۋ بولىمىندەگى ورىنداردىڭ 65%-ى بوس ەمەس.

سوڭعى مالىمەتتەر بويىنشا، الەمدە 40 ميلليوننان استام كەيس تىركەلگەن. دەرتكە شالدىققاندار سانى قايتا ارتقان مەملەكەتتەر توتەنشە جاعداي ەنگىزىپ، كارانتين شارالارىن قاتاڭداتا باستاعان. اسىرەسە، اقش پەن ەۋروپادا ۆيرۋستان تونگەن قاۋىپ ارتقان. وسىعان بايلانىستى دۇنيەجۇزىلىك دەنساۋلىق ساقتاۋ ۇيىمىنىڭ ەۋروپا ايماعى بويىنشا بيۋرو ديرەكتورى حانس كليۋگە ەۋروپا ەلدەرىندە قابىلدانىپ جاتقان شەكتەۋ شارالارىن ماقۇلدادى.

"The Qazaq Times"