AQŞ Tayuanğa ozıq qarular jiberuge dayındaluda. foto: Reyter.

Tramp ükimeti Tayuanğa (Tayvan') qaru-jaraq jetkizudiñ joldarın qarastırıp jatır. Bwl üşin Kongreske wsınıs tastap, Tayuanmen üş türli qaru saudasın bekitip berudi swrağan. Reuters agenttigi bwl turalı Kongress müşeleri arasınan bes birdey derekközge silteme jasay otırıp habarladı.

Iqpaldı aqparat agenttiginiñ bwl mäselege nazar audaruına negiz bar. AQŞ pen Qıtay qayşılığı asqınğan twsta, AQŞ pen Tayuan ortasındağı qaru-jaraq aynalımı mañızdı oyın jüristeri deuge boladı.

Zañdılıq boyınşa, AQŞ-tan şetelge saudalanatın qaru-jaraqtı Memlekettik departament josparlaydı, al onı bekitu Senattıñ Halıqaralıq qatınastar komiteti men Ökilder palatasınıñ Halıqaralıq qatınastar komitetiniñ qwzırında. AQŞ-tıñ eksporttı maqwldau procesine qarudıñ jeti negizgi jüyesi kirdi.

Al, Aq üydiñ Kongresten maqwldıq swrap otırğan üş türdegi äskeri jaraqtarı mınalardı qamtidı: Lockheed Martin şığarğan «Joğarı qozğaltqıştı zımıran wşıru jüyesi» (HIMARS) dep atalatın kölikke qondırılğan zımıran tasığıştardıñ konflekti; Boeing kompaniyası şığarğan jäne äue kemesinen naqtı uaqıt rejiminde jerdegi stanciyağa suretter men derekterdi jibere alatın F-16 joyğış wşağınıñ sırtqı indukciyalıq qabığı «SLAM-ER» dep atalatın «äue-jer» zımıranı. Bwğan qosa iri wşqışsız wşu qwrılğılarınan tartıp, kemege qarsı jaqın qaşıqtıqqa arnalğan zımırandar men minalarğa deyin.

AQŞ Memlekettik departamenti bwl turalı aqparattıq swraularğa bergen jauabında, departament sayasatı boyınşa Kongress maqwldamayınşa qanday da bir qaru-jaraq saudası turalı rastamaytının jäne tüsindirmeytinin aytqan. Biraq osınıñ özinen de bwl aqparattıñ jalğan emes ekeni bayqaladı.

Qıtaydıñ Qwrama Ştattardağı elşiligi bwl mäselege ünsiz qala almağanı belgili boldı. Qıtay elşiligi AQŞ ükimetiniñ elektrondı poştasına hat joldap, Tayuanğa qaru satudı toqtatuğa şaqırğan. Sonday-aq, Qıtay elşiligi AQŞ Tayuanmen äskeri baylanıstarın toqtatpasa, Qıtay öziniñ egemendigin qorğau şaraların qabıldauğa bel buatının eskertken.

Qıtay men AQŞ ortasında Tayuan mäselesi asa näzik taqırıp bolıp kelgen. Eki eldiñ qazirgi qayşılığı twsında bwl näzik taqırıptıñ özi türtpekke tüsti. Biıl şildede Qıtay Tayuanğa qaru-jaraq satumen aynalısqan AQŞ-tıñ qorğanıs boyınşa merdigeri Lokhid Martinge qarsı sankciyalar jariyaladı. AQŞ-tıñ Tayuanğa qaru-jaraq satuın Beyjiñ ünemi ayıptaydı. Bwl «Bir Qıtay» qağidasın jäne Qıtay-AQŞ ortasındağı üş negizgi prencipke qayşı dep sınaydı.

Soğan qaramastan AQŞ pen Tayuan arasındağı äskeri-qorğanıs salasındağı ıntımaqtastıq kün ötken sayın damıp keledi. Tayuan bir ay bwrın Qwrama Ştattarmen eñ jaña äskeri wşaqtardı satıp alu-satu turalı kelisimge kelgen.

“The Qazaq Times”