Almatı qalasındağı üylerdiñ birine salınğan mural. Foto: Informburo.kz

Almatıda 6 qazannan bastap teatrlardıñ jwmısı qayta jandanadı. Almatı qalasınıñ bas memlekettik sanitarlıq därigeriniñ qaulısına säykes, mädeni mekemelerdiñ tek jartısına ğana kisi jayğasa aladı.  

Naqtıraq aytqanda, teatr zalındağı körermenderge arnalğan orınnıñ tek 50%-ına äleumettik qaşıqtıqtı saqtay otırıp adam otıruğa rwqsat etiledi. Bwdan aspauı tiis.

«Mädeni nısandarda äleumettik araqaşıqtıq saqtaluı qajet. Sonday-aq, sanitarlıq-dezinfekciyalıq rejim, jeldetu jäne auanı baptau jüyeleri üzdiksiz jwmıs istep twruı kerek. Oğan qosa, auanı säulelendiru (kvarc) wsınıladı», – delingen qaulıda.

Sonımen qatar, qalada dämhanalardıñ, kölik juu-jöndeu orındarınıñ, adamdarmen baylanısı joq rejimde jwmıs isteytin nısandardıñ jwmıs uaqıtı tañğı sağat 10:00-den tüngi 00:00-ge deyin wzartıldı.

Europa elderi men oğan japsarlas Ukraina, Reseyde panemiya jaña qarqın ala bastağan. Säykesinşe auırğan nauqastar sanı kürt ösken. Sol sebepti Kanada, Niderlandı, Çehiya, Ispaniya, Şveciya, Italiya, Daniya, Germaniya, Grekiya, Portugaliya jäne Bel'giya tärizdi köptegen elderdiñ iri qalalarında ärtürli deñgeyde şekteu şaraları küşeyip jatır.

"The Qazaq Times"