Foto: https://profile.ru

Älem boyınşa koronavirus derti qaytadan dendep baradı. Bloomberg mälimetinşe, älemde 34 millionnan astam keys tirkelgen. Pandemiyanıñ ekinşi tolqınınıñ aldın alu maqsatında Europanıñ birqatar memleketterinde qaytadan tötenşe jağday engizile bastağan.

Soñğı mälimetter boyınşa, Birikken Korol'dikte kün sayın 7 mıñnan astam adam jwqtıruda. Korol'dik virustan qaza tapqandar boyınşa da Europada aldıñğı orında. Jalpı bwl elde virustı jwqtırğandar sanı 450 mıñnan asqan. Osığan baylanıstı el prem'er-ministri Boris Djonsrn britandıqtarğa eskertu jasadı.

Boris Djonson: «Elde koronavirustan qaytıs bolğandar sanınıñ ösui bizdi qattı alañdatadı. Sondıqtan osınday mañızdı şaralardı qabıldadıq. Al azamattar dertpen küresuge bağıttalğan barlıq şekteulerdi orındauı tiis. Qazannıñ soñınan bastap kün sayın 500 mıñ test alamız», – deydi.

Çehiyadağı ahual da mäz emes. Mwnda alğaş ret 12 naurızda tötenşe jağday jariyalanıp, ol 17 mamırğa deyin sozılğan edi. Bwl memleket – qazir Europa boyınşa koronavirus jıldam tarap jatqan elderdiñ biri. Sondıqtan bilik arağa 4 jarım ay salıp, qaytadan qatañ şaralar qabıldauğa mäjbür. YAğni aldağı düysenbiden bastap mwnda bir ayğa tötenşe jağday engiziledi. Ekonomikalıq dağdarıstıñ alldın alu üşin bilik bwl tärtiptiñ köktemgiden jeñilirek bolatının birden eskertti.

Eldiñ Densaulıq saqtau ministri Roman Primula: «Tötenşe jağday – qazirgi epidemiologiyalıq ahual kezinde tez äreket euge mümkindik beretin zañnamalıq qwral. Mäselen, biz medicinalıq fakul'tette oqitın studentterdi auruhanalarğa kömekke tarta alamız. Qazirgi şekteu şaraları köktemgi tötenşe jağdaymen salıstırğanda jeñilirek bolmaq. Mäselen, dükender, tamaqtanu orındarı men şekaralar jabılmaydı. Degenmen kelesi düysenbiden bastap jabıq orındarda 10 adamnan artıq jinaluğa bolmaydı. Al dalada 20-dan aspauı tiis», – dep mälimdedi.

Ispaniya ükimeti koronavirustıq jağdaydıñ naşarlauına baylanıstı Madridte karantin jariyaladı. Mwnda soñğı eki aptada tirkelgen COVID-19 jağdaylarınıñ üşten birinen köbi Madridke tiesili. Madrid twrğındarı belgili sebeptermen ğana, sonıñ işinde jwmıs babımen qaladan kete aladı. Sonday-aq meyramhanalar jwmıs uaqıtın qısqartıp, qoğamdıq orındarda altıdan köp adamnıñ jinaluına tıyım salınğan. Ispaniyada pandemiya bastalğalı beri 749 mıñ adam infekciyanı jwqtırıp, 31 mıñnan astam adam qaytıs boldı.

"The Qazaq Times"