Älem boyınşa koronavirustıñ qauipti «Del'ta» ştamı 98 elde anıqtalıp, antirekord ornadı. Alğaş ret Ündistanda tirkelgen «del'ta» qazir dominant nwsqağa aynalğan. Ol virustıñ bastapqı variantına qarağanda edäuir jwqpalı jäne onıñ ölim qaupi joğarıraq.

Düniejüzilik densaulıq saqtau wyımı memleketterdegi ekonomikalıq ahualdı oñaltu üşin, äri pandemiyanı jeñu üşin vakcinaciya nauqanın mıqtap qolğa alu kerek deydi. DDSW basşısı Tedros Adhanom Gebreyesus: «Biz COVID-19 pandemiyasınıñ eñ qauipti kezeñinde twrmız. «Del'ta» ştamı öte tez tarap baradı. Tirkelgen jaña nauqastardıñ basım böligi virustıñ osı türine şaldıqqandar. Dertti tübegeyli jeñu üşin är memlekette keler jılğa deyin halıqtıñ 70%-ı ekpe aluı kerek», – deydi.

Germaniyada aldağı aylarda vakcinalau qarqını üdetiledi. Mwnda eresek azamattardıñ üşten eki böligi kovidke qarsı ekpe saldırğan. Bwl – ükimet josparlağan körsetkişten de artıq.

Qazirdiñ özinde auru jwqtırudıñ teñ jartısı qauipti mutaciyanıñ ülesine tiip twr. Mälimetter boyınşa, Germaniyada aurudı jwqtıru sanı aldımen azayıp, keyin täuiligine 27 mıñğa deyin jetken.

Germaniyanıñ densaulıq saqtau ministri Yens Şpan: «Köp wzamay, boljam boyınşa, Germaniyada «Del'ta» ştamı örşidi. Osı aydıñ soñında 70-80%-ğa jetui mümkin. Del'ta virustıñ özge türine qarağanda tez jwğatın ştamm ekeni belgili. Biz halıq aldındağı uädemizdi orındap, elimizdiñ är twrğınına jazdıñ ayağına deyin ekpe saldıruğa mümkindik beremiz», – dedi.

Portugaliyada «Del'ta» ştamınıñ tım tez taraluına baylanıstı eldiñ birqatar aymağında komendanttıq sağat engizildi. Endi twrğındar tüngi 11-den tañğı 5-ke deyin köşege şığa almaydı. Al kafe-meyramhanalar jwmıs uaqıtın qısqartadı. Tärtiptiñ saqtaluın policeyler qadağalaydı.

AQŞ-tıñ Oklend qalasında zoobaq hayuanattarına vakcina salına bastadı. Januarlarğa «Zoetis» kompaniyası äzirlegen eksperimentaldı preparat egilip jatır. Atalğan vakcinanı Amerikanıñ auıl şaruaşılığı ministrligi jäne ştat veterinarları maqwldağan. Osı uaqıtqa deyin onıñ 11 mıñnan astam dozası öndirilgen.

Australiyanıñ Jaña Oñtüstik Uel's ştatında koronavirus jwqtıru boyınşa täuliktik rekord tirkeldi. İndettiñ aldın alu maqsatında ştat astanası Sidneyde eki aptalıq lokdaun jariyalandı. Sebebi öñirde «Del'ta» ştamın jwqtıru deregi arta bastağan.

Büginge deyin Australiya halqınıñ tek 8%-ı ğana vakcina saldırğan. Qazir jergilikti twrğındar qauipti infekciyağa qarsı ekpe saldıru üşin vakcinalau ortalıqtarına ağılıp jatır.

Reseydegi ahual da mäz emes. Elde bir täulikte 24 mıñnan astam adam infekciyağa şaldığıp, 697-si köz jwmdı. Antirekord birneşe kün qatarınan tirkeldi. Nauqastardıñ köbi Mäskeu men Sankt-Peterburgte anıqtalğan. Endi Mäskeude jaña talap boyınşa respiratorlıq virustıq infekciya jwqtırğandardıñ barlığı PTR test nätijesi şıqpayınşa oqşaulanadı. Elde ekpe egu nauqanı da qarqın aldı. Aptap ıstıqqa qaramastan halıq jappay vakcina qabıldau üşin wzın-sonar kezekte twr.

«Del'ta» ştamı örşip twrğan Ündistanda soñğı eki aydıñ işinde 200 mıñ adam koronavirustan qaytıs boldı. Osılayşa, auru qwrbandarınıñ jalpı sanı 400 mıñğa jetti. Eldiñ densaulıq saqtau ministrliginiñ mälimeti boyınşa soñğı bir künniñ işinde 853 adam köz jwmıp, 46 mıñı infekciya jwqtırğan. Jergilikti bilik qırküyekte indettiñ jaña tolqını bastaladı degen boljam jasadı.

Qazaqstanda mausımnıñ ortasınan beri indettiñ tarauı qayta küşeydi. El biligi mwnı «del'ta» variantınıñ taraluımen tüsindiredi.

Qazaqstannıñ epidemiyalıq kartasında «qızıl aymaqta» sanaulı apta bwrın tek astana ğana bolsa, qazir tizimge Almatı, Şımkent qalaları, Aqmola, Atırau, Batıs Qazaqstan, Qarağandı, Mañğıstau jäne Pavlodar oblıstarı da engen.

"The Qazaq Times"