Foto: Reuters.com

Reuters agenttiginiñ habarlauınşa, ASEAN (Oñtüstik-şığıs Aziya elderiniñ associaciyası), Qıtay, Japoniya jäne Oñtüstik Koreyanıñ qarjı ministrleri men bank törağaları 18 qırküyek birlesken mälimdeme jasap, aymaq ekonomikasın wstap twru üşin «barlıq qolda bar mümkindikti» qoldanamız dep mälämdedi. Bastı maqsat COVID-19 pandemiyasınan keyingi qalpına keltiru serpini bolmaq.

Olar konferenciyadan keyin ASEAN, Qıtay, Japoniya jäne Oñtüstik Koreya aymaq ekonomikasına koronavirus zardabın qalpına keltiru üşin bar küş-jigerin saluğa uağdalastı. Sonımen qatar, köpjaqtı sauda jäne investiciyalıq jüyeni qorğauğa kelisti.

Koronavirus pandemiyasınan zardap şekken aymaq ekonomikası 60 jılda alğaş ret qwldırau körsetkişiniñ eñ tömengi deñgeyine tüsip otır, älemdik sauda men transport jüyesin bwzılıp, Aziyadağı tipti bükil älemdegi narıqtıq twraqsızdıq ornadı.

Qıtay, Japoniya jäne Oñtüstik Koreyanıñ qarjı ministrleri mälimdemede Çiangmay bastamasın köpjaqtı qarastıru turalı kelisimdi nığaytuğa kömektesetinin ayttı. Kelisim ASEAN men Qıtay, Japoniya jäne Oñtüstik Koreya qarjı ministrleri men ortalıq bank basqaruşıları arasında qwrılğan aymaqtıq qarjılıq kelisim, bwl köpjaqtı valyuta kelisimin küşeytuge bağıttalğan jäne aymaqtıñ qarjılıq qauipsizdik üşin mañızdı.

Eske sala keteyik, «Çiangmay» bastaması Taylanttıñ eñ iri aymağı bolıp tabılatın Çiangmay provinciyasında bastau alğan ekonomikalıq joba.

ASEAN men Qıtay-Japoniya-Koreya qarjı ministrleriniñ kezdesuinde Japoniya men Malayziya eki tarapqa 30 trillion AQŞ dollarına deyingi valyutalıq  operaciyanı jüzege asıruğa mümkindik beretin kelisimine qol qoydı.

Bwl kelissözderdiñ bastı maqsatı şığıs jäne oñtüstik şığıs Aziya elderiniñ korornavirus paedemiyasınan keyingi bolaşağı, ekonomika, sauda, transport t.b. salalardağı dağdarıstı jeñip şığu jäne jarqın bolaşağı üşin är saladağı kelisimderdi jüzege asıruğa bastı maqsat bolıp otır.

"The Qazaq Times"