شىعىس جانە وڭتۇستىك-شىعىس ازيا ەلدەرى ەكونوميكالىق كەلىسىم جاساستى

Reuters اگەنتتىگىنىڭ حابارلاۋىنشا, اسەان (وڭتۇستىك-شىعىس ازيا ەلدەرىنىڭ اسسوتسياتسياسى), قىتاي، جاپونيا جانە وڭتۇستىك كورەيانىڭ قارجى مينيسترلەرى مەن بانك توراعالارى 18 قىركۇيەك بىرلەسكەن مالىمدەمە جاساپ، ايماق ەكونوميكاسىن ۇستاپ تۇرۋ ءۇشىن «بارلىق قولدا بار مۇمكىندىكتى» قولدانامىز دەپ مالامدەدى. باستى ماقسات COVID-19 پاندەمياسىنان كەيىنگى قالپىنا كەلتىرۋ سەرپىنى بولماق.

ولار كونفەرەنتسيادان كەيىن اسەان، قىتاي، جاپونيا جانە وڭتۇستىك كورەيا ايماق ەكونوميكاسىنا كوروناۆيرۋس زاردابىن قالپىنا كەلتىرۋ ءۇشىن بار كۇش-جىگەرىن سالۋعا ۋاعدالاستى. سونىمەن قاتار، كوپجاقتى ساۋدا جانە ينۆەستيتسيالىق جۇيەنى قورعاۋعا كەلىستى.

كوروناۆيرۋس پاندەمياسىنان زارداپ شەككەن ايماق ەكونوميكاسى 60 جىلدا العاش رەت قۇلدىراۋ كورسەتكىشىنىڭ ەڭ تومەنگى دەڭگەيىنە ءتۇسىپ وتىر، الەمدىك ساۋدا مەن ترانسپورت جۇيەسىن بۇزىلىپ، ازياداعى ءتىپتى بۇكىل الەمدەگى نارىقتىق تۇراقسىزدىق ورنادى.

قىتاي، جاپونيا جانە وڭتۇستىك كورەيانىڭ قارجى مينيسترلەرى مالىمدەمەدە چيانگماي باستاماسىن كوپجاقتى قاراستىرۋ تۋرالى كەلىسىمدى نىعايتۋعا كومەكتەسەتىنىن ايتتى. كەلىسىم اسەان مەن قىتاي، جاپونيا جانە وڭتۇستىك كورەيا قارجى مينيسترلەرى مەن ورتالىق بانك باسقارۋشىلارى اراسىندا قۇرىلعان ايماقتىق قارجىلىق كەلىسىم، بۇل كوپجاقتى ۆاليۋتا كەلىسىمىن كۇشەيتۋگە باعىتتالعان جانە ايماقتىڭ قارجىلىق قاۋىپسىزدىك ءۇشىن ماڭىزدى.

ەسكە سالا كەتەيىك، «چيانگماي» باستاماسى تايلانتتىڭ ەڭ ءىرى ايماعى بولىپ تابىلاتىن چيانگماي پروۆينتسياسىندا باستاۋ العان ەكونوميكالىق جوبا.

اسەان مەن قىتاي-جاپونيا-كورەيا قارجى مينيسترلەرىنىڭ كەزدەسۋىندە جاپونيا مەن مالايزيا ەكى تاراپقا 30 تريلليون اقش دوللارىنا دەيىنگى ۆاليۋتالىق  وپەراتسيانى جۇزەگە اسىرۋعا مۇمكىندىك بەرەتىن كەلىسىمىنە قول قويدى.

بۇل كەلىسسوزدەردىڭ باستى ماقساتى شىعىس جانە وڭتۇستىك شىعىس ازيا ەلدەرىنىڭ كورورناۆيرۋس پاەدەمياسىنان كەيىنگى بولاشاعى، ەكونوميكا، ساۋدا، ترانسپورت ت.ب. سالالارداعى داعدارىستى جەڭىپ شىعۋ جانە جارقىن بولاشاعى ءۇشىن ءار سالاداعى كەلىسىمدەردى جۇزەگە اسىرۋعا باستى ماقسات بولىپ وتىر.

"The Qazaq Times"