Körneki suret. Qazaqstanda koronavirustan qaytıs bolğandar sanı azaymay twr. Foto: kapital.kz

Seysenbi küni, 10 qırküyekte Qazaqstanda 77 adamnan koronavirus, 353 adamnan pnevmoniya anıqtalğan. Qırküyek ayınıñ alğaşqı onkündiginde koronavirus pen onıñ pnevmoniyalıq türin qosa eseptegende 4 mıñday auru jağdayı, 88 ölim oqiğası tirkeldi.

DenMin dereginşe, auru jağdayınıñ eñ köbi üşinşi kün qatarınan Şığıs Qazaqstan oblısında 19 adamnan tabılğan.

Qazirgi tañda 4 596 adam emdelip jatır. Onıñ 2523-i stacionarda, 2073-i ambulatoriyada.
Jağdayı qiın 137 nauqastıñ 25-siniñ ahualı qattı naşarlağan. Sonday-aq, 28 adam ökpeni jasandı jeldetu apparatında jatır.​

Sonımen qosa, särsenbi küni koronavirus pnevmoniyasına şaldıqqan 353 adam tirkelipti. Biraq olardıñ qanşası qay aymaqtan ekeni belgisiz. PTR testi teris şıqqanımen, koronavirus saldarınan asqınğan aqökpe auruınıñ aymaqtarğa taralu deregin twraqtı türde jariyalauğa uäde etken ministr Aleksey Coy da, onıñ kömekşisi, vedomstvonıñ resmi ökili Bağdat Qojahmetov te sözinde twrğan joq. Äli künge deyin koronavirus pnevmoniyasınıñ öñirlerdegi dinamikasın bile almay kelemiz.

Elde koronavirus jwqqanı PTR-testimen rastalğandar 106 mıñnan asıp, aqökpege asqınğandarı 29 mıñğa juıqtadı.

Ministrlik mälimetinşe, ötken aptada (31 tamız-6 qırküyek) 46 adam koronavirustan, 27 adam koronavirustıq pnevmoniyadan qaytıs bolğan. Pandemiya bastalğalı jalpı jiını virus jwqqandardıñ 2,5 mıñnan artıq qazaqstandıq (KVI+ / U07.1 – 1656, KVI- / U07.2 – 318, ilespe aurulardan – 556) qaytıs bolğan. Alayda Qazaqstan biligi boyınan koronavirus tabılsa da, basqa aurulardıñ sebebinen qaytıs boldı delingen 556 adamdı jalpı statistikağa qosıp eseptemeydi. Sarapşılar bwğan qarsı. Olardıñ aytuınşa, koronavirustıñ janama äserinen qaytqandardıñ jartısınan astamınıñ sebebi qan aynalımı jüyesiniñ auruları bolğandıqtan, oğan infekciya dert qozdıruşı faktor retinde ölimge äkep soqtırğan.

"The Qazaq Times"