Kezekti sayasi tazalauda Mau Zıdoñnıñ sayasi täsilderin paydalanuda. Foto: Front News International.

Qıtaydıñ bilik jüyesinde ülken sayasi ürdistiñ bastalıp jatqanı bayqaladı. Bwl sayasi ürdis partiya işindegi tärtipti nığaytu, partiya biligin ornıqtıruğa bağıttalğan.

QKP jetekşileri joğarı bilik ökilderinen tartıp, jergilikti policiya, sud'ya, prokurorları men qauipsizdik qızmeti şeneunikterine deyin Mau Zıdoñnıñ (Mao Czedunnıñ) sayasi tazartu turasındağı teoriyaların üyrenuge tapsırma bergen. QKP-nıñ bwrınğı jetekşisiniñ ädisteri partiyağa adal emesterdi, sıbaylas jemqorlıqqa qarsı küres jäne bilikti asıra paydalanu äreketterine qarsı kürestiñ negizgi wstanımı etpek.

Tipti bwl üşin Mau Zıdoñnıñ 1940 jıldarı jürgizgen «YAn-an sayasi tüzetu qozğalısın» ülgi etu kerektigi aytılğan. Mau bwl retifikaciya qozğalısı arqılı partiya işindegi basqarudı nığaytqan bolatın. Kezekti sayasi nauqanğa qatıstı pärmendi tapsırmalarda «süyektegi udı qırıp tastau», «jeke adaldıqtı tastap, küdikti äriptesterdi de äşkerleu» sındı ötkir sözder de qoldanılğan.

Täuelsiz sarapşılar Qıtay biligi işindegi bwl özgeris eki jıldan keyingi bilik almasudıñ aldında jasalıp jatqan «işki tazalau» äreketi dep qaraydı. 2013 jılı bilikke kelgen Şi Jinpiñ (Si Czinpin') öz ökiletti merziminiñ ekinşi kezeñinde. Biraq, bir jıl bwrın Qıtay basşısı partiya jarğısı men konstituciyalıq özgerister engizip, memleket törağası, partiya jetekşisiniñ tek eki kezek bilik jürgizu sındı şekteudi alıp tastağan bolatın. Al, kezekti sayasi qozğalısta Mau Zıdoñmen qatar Şi Jinpiñnıñ de sayasi közqarastarı men teoriyalıq eñbekteri qosa nasihattalıp jatuı qazirgi Qıtay basşısınıñ wzaq merzimdik bilikte qaluına dayındıq deuge boladı.

Şi Jinpiñ bilikke kelgennen beri sıbaylas jemqorlıqqa jäne partiya tärtibi men memleket zañın bwzuşı şeneunikterge qarsı küresti küşeytti. Nätijesinde mıñdağan şeneunikter sottaldı, qamaldı, qudalandı, tipti ölim jazasına kesildi. Oğan qosa sayasi qarsılastarın da tazaladı degen de pikirler bar.

 

“The Qazaq Times”