Germaniyadağı anti-karantin şerui kezinde. Foto: Dw.com

Älem elderi karantin talaptarın qayta küşeyte bastadı.

Handelsblatt nemis basılımınıñ mälimetinşe, endi Germaniyanıñ batısındağı Soltüstik-Reyn Vestfaliya aymağında qoğamdıq kölikte maska taqpağandar 150 euro ayıppwl töleydi. Eldiñ turizm jönindegi ökili kruizdik demalıstan kelgenderge infekciyanıñ bar-joğın anıqtaytın test tapsıru talabın qoyıp otır. Onıñ oyınşa, sayahat qauip tudırmauı tiis.

Ötken täulikte Germaniyada koronavirus infekciyasın 741 adam jwqtırğan. Epidemiya bastalğalı beri bwl eldegi nauqas sanı – 212 mıñnan astı, 9 mıñnan astamı indetten qaytıs boldı.

Älem boyınşa koronavirus infekciyasın jwqtırğandar sanı 18,4 millionnan astı. 700 mıñğa juıq adam ajal qwşqan. Virustı alğaş jwqtırğandar Qıtaydıñ Hubey provinciyasınıñ Uhan' qalasında tirkeldi. Ötken aptada DDW-nıñ pandemiyağa baylanıstı tötenşe jağday jariyalağanına jartı jıl toldı. Koronavirustıñ jaña tolqını beleñ alğan memleketter karantin talaptarın qayta küşeyte bastadı. Olardıñ qatarında birqatar Europa, Latın Amerikası elderi jäne Australiya bar.

Düniejüzilik densaulıq saqtau wyımı älemdi infekciyamen küresti jalğastıruğa jäne ğılımi zertteulerge qoldau kersetuge şaqırdı. Mamandar pandemiya jüz jılda bir bolatın qwbılıs jäne bwl jolğı indet wzaq uaqıtqa sozıladı dep boljadı.

Wyımnıñ Bas direktorı Tedros Adhanom Gebreyesus: «Soñğı altı aptada auru jwqtıru deregi eki ese artqan. 30 qañtarda tötenşe jağayda jariyalağanda, Qıtaydan tıs jerde tirkelgen nauqastar sanı jüzden aspaytın jäne odan eşkim köz jwmğan joq edi. Halıqaralıq sanitarlıq erejelerge säykes, tötenşe jağday boyınşa komitet jiının ötkizemin. Ol pandemiyağa baylanıstı jağdaydı qayta bağalauğa mümkindik beredi», – dep mälimdedi.

"The Qazaq Times"