گەرمانيادا كارانتين تالاپتارى كۇشەيتىلدى

الەم ەلدەرى كارانتين تالاپتارىن قايتا كۇشەيتە باستادى.

Handelsblatt نەمىس باسىلىمىنىڭ مالىمەتىنشە، ەندى گەرمانيانىڭ باتىسىنداعى سولتۇستىك-رەين ۆەستفاليا ايماعىندا قوعامدىق كولىكتە ماسكا تاقپاعاندار 150 ەۋرو ايىپپۇل تولەيدى. ەلدىڭ تۋريزم جونىندەگى وكىلى كرۋيزدىك دەمالىستان كەلگەندەرگە ينفەكتسيانىڭ بار-جوعىن انىقتايتىن تەست تاپسىرۋ تالابىن قويىپ وتىر. ونىڭ ويىنشا، ساياحات قاۋىپ تۋدىرماۋى ءتيىس.

وتكەن تاۋلىكتە گەرمانيادا كوروناۆيرۋس ينفەكتسياسىن 741 ادام جۇقتىرعان. ەپيدەميا باستالعالى بەرى بۇل ەلدەگى ناۋقاس سانى – 212 مىڭنان استى، 9 مىڭنان استامى ىندەتتەن قايتىس بولدى.

الەم بويىنشا كوروناۆيرۋس ينفەكتسياسىن جۇقتىرعاندار سانى 18,4 ميلليوننان استى. 700 مىڭعا جۋىق ادام اجال قۇشقان. ۆيرۋستى العاش جۇقتىرعاندار قىتايدىڭ حۋبەي پروۆينتسياسىنىڭ ۋحان قالاسىندا تىركەلدى. وتكەن اپتادا ددۇ-نىڭ پاندەمياعا بايلانىستى توتەنشە جاعداي جاريالاعانىنا جارتى جىل تولدى. كوروناۆيرۋستىڭ جاڭا تولقىنى بەلەڭ العان مەملەكەتتەر كارانتين تالاپتارىن قايتا كۇشەيتە باستادى. ولاردىڭ قاتارىندا بىرقاتار ەۋروپا، لاتىن امەريكاسى ەلدەرى جانە اۋستراليا بار.

دۇنيەجۇزىلىك دەنساۋلىق ساقتاۋ ۇيىمى الەمدى ينفەكتسيامەن كۇرەستى جالعاستىرۋعا جانە عىلىمي زەرتتەۋلەرگە قولداۋ كەرسەتۋگە شاقىردى. ماماندار پاندەميا ءجۇز جىلدا ءبىر بولاتىن قۇبىلىس جانە بۇل جولعى ىندەت ۇزاق ۋاقىتقا سوزىلادى دەپ بولجادى.

ۇيىمنىڭ باس ديرەكتورى تەدروس ادحانوم گەبرەيەسۋس: «سوڭعى التى اپتادا اۋرۋ جۇقتىرۋ دەرەگى ەكى ەسە ارتقان. 30 قاڭتاردا توتەنشە جاعايدا جاريالاعاندا، قىتايدان تىس جەردە تىركەلگەن ناۋقاستار سانى جۇزدەن اسپايتىن جانە ودان ەشكىم كوز جۇمعان جوق ەدى. حالىقارالىق سانيتارلىق ەرەجەلەرگە سايكەس، توتەنشە جاعداي بويىنشا كوميتەت جيىنىن وتكىزەمىن. ول پاندەمياعا بايلانىستى جاعدايدى قايتا باعالاۋعا مۇمكىندىك بەرەدى»، – دەپ مالىمدەدى.

"The Qazaq Times"