AQŞ Germaniyadan 11,9 mıñ sarbazın şığardı

AQŞ Germaniyadan 11,9 mıñ sarbazın şığardı. Olardıñ 5,6 mıñğa juığı Europada qaladı, al 6,4 mıñğa juığı otanına oraladı. Bwl turalı AQŞ qorğanıs ministri Mark Esper mälimdedi.

«AQŞ Qarulı Küşteriniñ Europalıq qolbasşılığınıñ qazirgi josparına säykes, NATO-nı nığaytu, Reseyden qorğanu şaraların nığaytu jäne basqa da qağidalardı saqtau üşin şamamen 11,9 mıñ amerikalıq äsker Germaniyadan şığarıladı. Vahtalıq ädispen jwmıs isteytin äskeri bölimderdi Bel'giya men Italiyağa ornatudı josparlap otırmız», – dedi Pentagon basşısı.

Sonımen qatar AQŞ rotaciyalıq negizde Wlıbritaniyadan Germaniyağa 2500 amerikalıq äskeri-äue küşterin jibermek. El prezidenti Donal'd Tramp äskerlerdi Germaniyadan mausımnıñ soñında şığarudı maqwldadı, al odaqtastarğa resmi türde soñğı künderi ğana habarlandı.

«AQŞ prezidenti mausımnıñ soñında Europalıq qolbasşılıqtıñ josparın yağni FRG-dan äskerdi işinara şığaru turalı jospardı maqwldadı. Biz ötken aptada Kongresstiñ negizgi müşelerine habarlastıq. Men NATO Bas hatşısı Yens Stoltenbergpen söylestim jäne soñğı birneşe kün işinde odaqtastarmen baylanıs ornattım». – dedi ministr.

Mark Esper AQŞ bolaşaqta Pol'şa men Baltıq elderine qosımşa äskeri küşter jiberui mümkin ekenin ayttı.

«Varşavamen qorğanıs salasındağı ıntımaqtastıq turalı kelisimge qol qoyıp, qarjılandıru turalı mälimetterdi maqwldap, jañadan qwrılğan V korpusınıñ (AQŞ armiyasınıñ) ştab-päterinen Pol'şağa jiberudi josparlap otırmız. Mwnımen qatar Pol'şa men Baltıq jağalauı elderine qosımşa küşterdi jiberu mümkindigi bar», – dep atap ötti qorğanıs vedomstvosınıñ basşısı.

"The Qazaq Times"