اقش گەرمانيادان 11,9 مىڭ ساربازىن شىعاردى. ولاردىڭ 5,6 مىڭعا جۋىعى ەۋروپادا قالادى، ال 6,4 مىڭعا جۋىعى وتانىنا ورالادى. بۇل تۋرالى اقش قورعانىس ءمينيسترى مارك ەسپەر مالىمدەدى.
«اقش قارۋلى كۇشتەرىنىڭ ەۋروپالىق قولباسشىلىعىنىڭ قازىرگى جوسپارىنا سايكەس، ناتو-نى نىعايتۋ، رەسەيدەن قورعانۋ شارالارىن نىعايتۋ جانە باسقا دا قاعيدالاردى ساقتاۋ ءۇشىن شامامەن 11,9 مىڭ امەريكالىق اسكەر گەرمانيادان شىعارىلادى. ۆاحتالىق ادىسپەن جۇمىس ىستەيتىن اسكەري بولىمدەردى بەلگيا مەن يتالياعا ورناتۋدى جوسپارلاپ وتىرمىز»، – دەدى پەنتاگون باسشىسى.
سونىمەن قاتار اقش روتاتسيالىق نەگىزدە ۇلىبريتانيادان گەرمانياعا 2500 امەريكالىق اسكەري-اۋە كۇشتەرىن جىبەرمەك. ەل پرەزيدەنتى دونالد ترامپ اسكەرلەردى گەرمانيادان ماۋسىمنىڭ سوڭىندا شىعارۋدى ماقۇلدادى، ال وداقتاستارعا رەسمي تۇردە سوڭعى كۇندەرى عانا حابارلاندى.
«اقش پرەزيدەنتى ماۋسىمنىڭ سوڭىندا ەۋروپالىق قولباسشىلىقتىڭ جوسپارىن ياعني فرگ-دان اسكەردى ءىشىنارا شىعارۋ تۋرالى جوسپاردى ماقۇلدادى. ءبىز وتكەن اپتادا كونگرەسستىڭ نەگىزگى مۇشەلەرىنە حابارلاستىق. مەن ناتو باس حاتشىسى يەنس ستولتەنبەرگپەن سويلەستىم جانە سوڭعى بىرنەشە كۇن ىشىندە وداقتاستارمەن بايلانىس ورناتتىم». – دەدى مينيستر.
مارك ەسپەر اقش بولاشاقتا پولشا مەن بالتىق ەلدەرىنە قوسىمشا اسكەري كۇشتەر جىبەرۋى مۇمكىن ەكەنىن ايتتى.
«ۆارشاۆامەن قورعانىس سالاسىنداعى ىنتىماقتاستىق تۋرالى كەلىسىمگە قول قويىپ، قارجىلاندىرۋ تۋرالى مالىمەتتەردى ماقۇلداپ، جاڭادان قۇرىلعان V كورپۋسىنىڭ (اقش ارمياسىنىڭ) شتاب-پاتەرىنەن پولشاعا جىبەرۋدى جوسپارلاپ وتىرمىز. مۇنىمەن قاتار پولشا مەن بالتىق جاعالاۋى ەلدەرىنە قوسىمشا كۇشتەردى جىبەرۋ مۇمكىندىگى بار»، – دەپ اتاپ ءوتتى قورعانىس ۆەدومستۆوسىنىڭ باسشىسى.
شەرزاتتىڭ ءولىمى ىسىنە قاتىستى قۇپيا ۆيدەونى جاريالاۋ كىمگە كەرەك بولدى؟ – ساراپشىلار مەديا سىنى
24 قازان – كىتاپحاناشىلار مەرەكەسى قۇتتى بولسىن!
«ۋچاسكەدەن ارۋاققا كوك حات»: الماتىدا مارقۇمعا كەلگەن شاقىرتۋ
كوميسسيا مەن باقىلاۋشى ەسەبىندەگى ايىرماشىلىق: الماتىدا رەفەرەندۋم قالاي ءوتىپ جاتىر؟
ء"ادىل قازاقستان، ەستيتىن مەملەكەت" ەندى ادۆوكاتتارعا قىسىم جاساي باستادى ما؟
«پسەۆدو-بايقاۋشى» الدە كاسىبي باقىلاۋشى: رەفەرەندۋمدى كىم باقىلايدى؟