Amerika Düniejüzilik densaulıq saqtau wyımınıñ qwramınan şığadı. Aqparattı BWW Bas hatşısınıñ baspasöz hatşısı Stefan Dyujarrik rastadı.

BWW resmi saytı wsınğan mälimetterge süyensek, bşeşim 2021 jılı 6 şildede küşine enui tiis. AQŞ aldın ala bwl turalı DDW jarğısınıñ depozitariyi sanalatın BWW Bas hatşısı Antoniu Guterrişti habardar etken.

Aldağı uaqıtta BWW Bas hatşısı DDW Jarğısınıñ depozitariyi retinde ol memlekettiñ Wyımnan şığuı üşin barlıq şarttardıñ saqtalğan-saqtalmağanın tekseredi.

Amerika 1948 jıldıñ 21 mausımınan beri Düniejüzilik densaulıq saqtau wyımınıñ qwramında. Älem elderi atalğan wyımğa belgili bir şartpen qabıldanadı. Wyım qwramınan şığuğa nietti memleket bwl qadamı turalı bir jıl bwrın habardar etuge tiis. Sonday-aq wyım aldındağı öziniñ qarjılıq mindettemelerin tolıq öteuge mindetti.

Koronavirus pandemiyası bastalğan kezde AQŞ-tıñ atalğan halıqaralıq wyımdı qattı sınğa alıp, Covid-19 isine baylanıstı Beyjiñge jaqtastı dep ayıptağanın. Sonday-aq prezident Tramp atalğan wyımdı qarjılay qoldaudı toqtattı. Biraq, DDW Amerika biliginiñ ayıptarın teriske şığardı.

"The Qazaq Times"