امەريكا دۇنيەجۇزىلىك دەنساۋلىق ساقتاۋ ۇيىمىنىڭ قۇرامىنان شىعادى. اقپاراتتى بۇۇ باس حاتشىسىنىڭ ءباسپاسوز حاتشىسى ستەفان ديۋجارريك راستادى.

بۇۇ رەسمي سايتى ۇسىنعان مالىمەتتەرگە سۇيەنسەك، بشەشىم 2021 جىلى 6 شىلدەدە كۇشىنە ەنۋى ءتيىس. اقش الدىن الا بۇل تۋرالى ددۇ جارعىسىنىڭ دەپوزيتاريى سانالاتىن بۇۇ باس حاتشىسى انتونيۋ گۋتەرريشتى حاباردار ەتكەن.

الداعى ۋاقىتتا بۇۇ باس حاتشىسى ددۇ جارعىسىنىڭ دەپوزيتاريى رەتىندە ول مەملەكەتتىڭ ۇيىمنان شىعۋى ءۇشىن بارلىق شارتتاردىڭ ساقتالعان-ساقتالماعانىن تەكسەرەدى.

امەريكا 1948 جىلدىڭ 21 ماۋسىمىنان بەرى دۇنيەجۇزىلىك دەنساۋلىق ساقتاۋ ۇيىمىنىڭ قۇرامىندا. الەم ەلدەرى اتالعان ۇيىمعا بەلگىلى ءبىر شارتپەن قابىلدانادى. ۇيىم قۇرامىنان شىعۋعا نيەتتى مەملەكەت بۇل قادامى تۋرالى ءبىر جىل بۇرىن حاباردار ەتۋگە ءتيىس. سونداي-اق ۇيىم الدىنداعى ءوزىنىڭ قارجىلىق مىندەتتەمەلەرىن تولىق وتەۋگە مىندەتتى.

كوروناۆيرۋس پاندەمياسى باستالعان كەزدە اقش-تىڭ اتالعان حالىقارالىق ۇيىمدى قاتتى سىنعا الىپ، Covid-19 ىسىنە بايلانىستى بەيجىڭگە جاقتاستى دەپ ايىپتاعانىن. سونداي-اق پرەزيدەنت ترامپ اتالعان ۇيىمدى قارجىلاي قولداۋدى توقتاتتى. بىراق، ددۇ امەريكا بيلىگىنىڭ ايىپتارىن تەرىسكە شىعاردى.

"The Qazaq Times"