Juırda Bryussel'de Euroodaq elderi 1 şildeden bastap Europağa qay memleketterdiñ azamattarı qatınay alatındığı jayında tizim jasadı. Bwğan deyin Europa öz şekarasın aşuı mümkin degen memleketter qatarında Qazaqstan da bar edi.

25 mausım küni Europa baylanısın üzbeytin memleketterdiñ tiziminde 54 el bar bolatın. Biraq, 30 şilde küngi tizimde olardıñ sanı 15-ke biraq tüsti. Qazir Europada koronavirus pandemiyasına baylanıstı memleketaralıq qatınaular üşin eki tizim jasalğan. Olardıñ birinşisinde EO aymağına qay eldiñ azamattarı kire alatındığı, ekinşisinde qay eldiñ azamattarı kire almaytındığı körsetilgen.

Europalıq derekközderdiñ mälimetine säykes jaña tizimniñ jobası EO memleketteriniñ qatısuımen 26 mausımda qabıldanğan. Joba boyınşa Europa öz şekarasın 15 memleketke aşadı. Olar: Aljir, Avstraliya, Kanada, Gruziya, Japoniya, Çernogoriya, Marokko, Jaña Zelandiya, Ruanda, Serbiya, Oñtüstik Koreya, Tayland, Tunis, Urugvay jäne Qıtay. Tizimdi jasau barısında üş kriteriyge nazar audarılğan. Birinşiden, azamattarı Europağa qatınay aluı üşin memlekettegi epidemiologiyalıq ahual Euroodaqtağı ortaşa körsetkişten jaqsı boluı lazım. Bwl jerde eldegi infekciya jwqtırğandardıñ 100 000 adamğa şaqqandağı koefficenti men memlekettiñ viruspen kürestegi dayındığı eskeriledi. Tizimge tek osı aspektiler jayında şınayı aqparat bergen memleket qana ilinedi.

Ekinşiden, sapar kezindegi infekciya jwqtıruğa qarsı qoldanılatın şaralar negizge alınadı. Mwnıñ qatarında aeroport pen vokzaldardağı äleumettik ara-qaşıqtıqtıñ saqtaluı  da bar. Sonımen qatar, memlekettiñ eurokomissiyanıñ talaptarına say kelmeytin elder tarapınan qanşalıqtı tranzittik punkt retinde qoldanılatındığı da eskeriledi.

Üşinşiden, Europa şekarasın kesip ötu tek osı aymaqtıñ twrğındarına öz şekarasın aşqan memleketterdiñ azamattarı üşin ğana mümkin boladı.

Soñğı tizim boyınşa Qazaqstan eurokomissiyanıñ talaptarına say kelmeytin memleket retinde tanılıp otır. 1 ay bwrın Qazaqstan üşin esigin jappağan Europa eldegi virus jwqtırğandar sanı 40 mıñğa tayağan şaqta Qazaqstan azamattarınıñ EO elderine qatınauına tıyım saldı. Qazaqstannıñ öz işinde de köptegen azamattar bilik infekciyanıñ taraluın baqılaudan şığarıp aldı degen pikirde. Bwğan deyin DDSW da Qazaqstandı epidemiologiyalıq ahualı twraqtı memleketterdiñ qatarınan şığarıp tastağan bolatın.

"The Qazaq Times"