EPA-EFE/JUSTIN LANE

AQŞ Kongresiniñ Ökilder palatası policiya reforması turalı zañ jobasın maqwldadı.

Qazir Senatqa jiberilgen qwjatqa 236 zañ şığaruşı qoldap, 181-i qarsı dauıs bergen. Jinalıstıñ translyaciyası tömengi palatanıñ saytında jürgizildi.

Qwjatta policiyanıñ qatıgezdigin joyıp, tärtip saqşıların jauapqa tartudı küşeytu wsınılğan. Mısalı, policeylerdiñ twnşıqtıru ädisterine tıyım salınıp, qızmetkerlerdiñ barlığı kiimine kamera tağatın boladı. Sonımen qatar policeylerdiñ zañsız äreketterin jinaqtaytın arnayı derekqor qwru qarastırılğan. Demokrattar joba ärbir azamattıñ qauipsizdigin küşeytip, sot ädildigin nığaytadı dep otır.

25 mamırda Minneapolis qalasında 46 jastağı Djordj Floyd policey ökilderiniñ köz aldında jan tapsırğan. Düken kassiri marqwm jalğan banknotpen esep ayırıspaq boldı degen uäjben policiya şaqıradı. Artınşa oqiğa ornına kelgen tärtip saqşıları küdiktiniñ qolına kisen salğannan keyin oficerlerdiñ biri onıñ jelkesin ayağımen 7 minuttay basıp twrğan. Dauısı qarlıqqan afroamerikalıq öziniñ dem ala almay jatqanın aytadı, biraq oğan policeyler qwlaq aspağan. Osıdan keyin «Men twnşığıp qaldım!» tirkesi şerudiñ bastı wranına aynalğan.

"The Qazaq Times"