EPA-EFE/JUSTIN LANE

اقش كونگرەسىنىڭ وكىلدەر پالاتاسى پوليتسيا رەفورماسى تۋرالى زاڭ جوباسىن ماقۇلدادى.

قازىر سەناتقا جىبەرىلگەن قۇجاتقا 236 زاڭ شىعارۋشى قولداپ، 181-ءى قارسى داۋىس بەرگەن. جينالىستىڭ ترانسلياتسياسى تومەنگى پالاتانىڭ سايتىندا جۇرگىزىلدى.

قۇجاتتا پوليتسيانىڭ قاتىگەزدىگىن جويىپ، ءتارتىپ ساقشىلارىن جاۋاپقا تارتۋدى كۇشەيتۋ ۇسىنىلعان. مىسالى، پوليتسەيلەردىڭ تۇنشىقتىرۋ ادىستەرىنە تىيىم سالىنىپ، قىزمەتكەرلەردىڭ بارلىعى كيىمىنە كامەرا تاعاتىن بولادى. سونىمەن قاتار پوليتسەيلەردىڭ زاڭسىز ارەكەتتەرىن جيناقتايتىن ارنايى دەرەكقور قۇرۋ قاراستىرىلعان. دەموكراتتار جوبا ءاربىر ازاماتتىڭ قاۋىپسىزدىگىن كۇشەيتىپ، سوت ادىلدىگىن نىعايتادى دەپ وتىر.

25 مامىردا ميننەاپوليس قالاسىندا 46 جاستاعى دجوردج فلويد پوليتسەي وكىلدەرىنىڭ كوز الدىندا جان تاپسىرعان. دۇكەن كاسسيرى مارقۇم جالعان بانكنوتپەن ەسەپ ايىرىسپاق بولدى دەگەن ۋاجبەن پوليتسيا شاقىرادى. ارتىنشا وقيعا ورنىنا كەلگەن ءتارتىپ ساقشىلارى كۇدىكتىنىڭ قولىنا كىسەن سالعاننان كەيىن وفيتسەرلەردىڭ ءبىرى ونىڭ جەلكەسىن اياعىمەن 7 مينۋتتاي باسىپ تۇرعان. داۋىسى قارلىققان افروامەريكالىق ءوزىنىڭ دەم الا الماي جاتقانىن ايتادى، بىراق وعان پوليتسەيلەر قۇلاق اسپاعان. وسىدان كەيىن «مەن تۇنشىعىپ قالدىم!» تىركەسى شەرۋدىڭ باستى ۇرانىنا اينالعان.

"The Qazaq Times"