Qazaqstanda koronavirusqa senbeytinder sanı artqan twsta, el şeneunikteri birinen keyin biri virus jwqtırıp jatır. Bügin Densaulıq saqtau ministri Eljan Birtanovtıñ koronavirusqa şaldıqqanı belgili boldı.

Ministr öziniñ Facebook paraqşasında: «Dostar, ökinişke qaray soñğı ret koronavirusqa tapsırğan testim oñ nätije körsetti. Bwl simptomsız emes, sondıqtan infekciyalıq auruhanağa jatqızıldım», – dep jazdı.

Eljan Birtanov koronavirus jwqqan alğaşqı şeneunik emes. Bwğan deyin mäjilis deputatı Bekbolat Tileuhan, prezidenttiñ baspasöz hatşısı Berik Uäli, Almatı qalasınıñ densaulıq saqtau basqarmasınıñ basşısı, bwrınğı densaulıq vice-ministri Kamaljan Nadırov dertke şaldıqqan.

Soñğı mälimetter boyınşa, elde COVID-19 jwqtırğandardıñ jalpı sanı 18 898 adamğa jetti. 14 496 adamda COVID-19 auru belgisi bayqalğan, al 4402 adamda auru belgisi joq. Koronavirus jwqtırğandar sanınıñ artuına baylanıstı Jambıl, Qarağandı jäne Aqtöbe oblısında karantin şaraları küşeytildi.

"The Qazaq Times"