قازاقستاندا كوروناۆيرۋسقا سەنبەيتىندەر سانى ارتقان تۇستا، ەل شەنەۋنىكتەرى بىرىنەن كەيىن ءبىرى ۆيرۋس جۇقتىرىپ جاتىر. بۇگىن دەنساۋلىق ساقتاۋ ءمينيسترى ەلجان ءبىرتانوۆتىڭ كوروناۆيرۋسقا شالدىققانى بەلگىلى بولدى.
مينيستر ءوزىنىڭ Facebook پاراقشاسىندا: «دوستار، وكىنىشكە قاراي سوڭعى رەت كوروناۆيرۋسقا تاپسىرعان تەستىم وڭ ناتيجە كورسەتتى. بۇل سيمپتومسىز ەمەس، سوندىقتان ينفەكتسيالىق اۋرۋحاناعا جاتقىزىلدىم»، – دەپ جازدى.
ەلجان ءبىرتانوۆ كوروناۆيرۋس جۇققان العاشقى شەنەۋنىك ەمەس. بۇعان دەيىن ءماجىلىس دەپۋتاتى بەكبولات تىلەۋحان، پرەزيدەنتتىڭ ءباسپاسوز حاتشىسى بەرىك ءۋالي، الماتى قالاسىنىڭ دەنساۋلىق ساقتاۋ باسقارماسىنىڭ باسشىسى، بۇرىنعى دەنساۋلىق ۆيتسە-ءمينيسترى كامالجان نادىروۆ دەرتكە شالدىققان.
سوڭعى مالىمەتتەر بويىنشا، ەلدە COVID-19 جۇقتىرعانداردىڭ جالپى سانى 18 898 ادامعا جەتتى. 14 496 ادامدا COVID-19 اۋرۋ بەلگىسى بايقالعان، ال 4402 ادامدا اۋرۋ بەلگىسى جوق. كوروناۆيرۋس جۇقتىرعاندار سانىنىڭ ارتۋىنا بايلانىستى جامبىل، قاراعاندى جانە اقتوبە وبلىسىندا كارانتين شارالارى كۇشەيتىلدى.
ŞAM تەاترىنىڭ كينوەكسپەريمەنتى: «№37» قويىلىمى فيلمگە اينالدى
ەرتاەۆ قايتا قامالعان كۇز: راقىمشىلىق «زاڭسىزدىق جارمەڭكەسىنە» اينالدى ما؟
تالعار تراگەدياسى: قىزىلقايراتتاعى قىلمىسقا قاتىستى جەتى ءىس قوزعالدى
قىزىلورداداعى №60 مەكەمەدەن حات: قاماۋداعى دۋمان مۇحامەتكارىم قاۋىپسىزدىك سۇرايدى
تالعارداعى قاندى وقيعا: ءىىم-گە جولدانعان ساۋال جانە قوعام كۇتكەن جاۋاپ
تالعاردا تاعى دا قاندى وقيعا. پوليتسيانىڭ جاۋاپسىزدىعى ما، جۇيەلىك داعدارىس پا؟