Elimizde äli de koronavirus jwqtıru qaupi joyılğan joq. Osığan oray astana qalasınıñ Qoğamdıq densaulıq saqtau basqarmasınıñ basşısı Säule Qisıqova COVID-19 virusınıñ taraluınıñ negizgi oşağı retinde otbası qaralıp otırğanın eskertti.

Oğan sebep jañadan tirkelgen jağdaylardıñ köbiniñ otbasılıq indet oşaqtarına baylanıstı boluı. Basqarma basşısı: «Infekciyanıñ jaña oşaqtarı bayqaladı. Bwl - otbasılıq oşaqtar. Kün sayın biz aurudı jwqtırğan otbasınıñ eki nemese keyde 5-7 müşesinen virus tabamız. Otbasılıq merekelerdi ötkizu kezinde indet jwqtırğandar bayqaldı, bwğan müldem jol beruge bolmaydı. Key adamdardıñ sanitarlıq normalardı saqtamağan jauapsız äreketi kişkentay balalar, qarttar men jükti äyeli bar otbasınıñ barlıq müşeleriniñ jwqtıruına äkelip soğadı. Tipti Covid-19 diagnozımen tüsken jükti äyeldiñ säbii de koronaviruspen tuğan kezi boldı. Balalardı analarınan bölek wstauğa tura keldi. Key adamdar öz densaulığın kütpese de, jaqındarın oylauı tiis. Täjiribe sozılmalı auruı joq, deni sau adamnıñ özi koronavirustan jatıp qaluı mümkin ekenin körsetip otır. Ağza infekciyamen kürese almağan soñ jasandı jeldetu apparatına qosuğa tura keldi. Eşbir jağdayda özin-özi emdeuge bolmaydı», – dedi.

Barlıq infekciya jwqtırğandardıñ 75%-ı 18 ben 59 jas aralığındağılar.

Koronavirus pandemiyası bastalğannan beri el astanasında 2543 adam infekciya jwqtırdı: 34 nauqastıñ jağdayı auır bolsa onıñ 12-si öte auır jağdayda, ökpeni jasandı jeldetu apparatına qosılğan, 10 nauqas indetten köz jwmdı. 1679 nauqas (66 %) jazılıp şıqtı.

Sanitarlıq normalardı qatañ saqtau kerektigin atap ötken basqarma basşısı: asa qajettilik bolmasa adam köp jinalatın jerlerge barmauın, qoğamdıq orında maska kiip, araqaşıqtıq saqtap jäne antiseptik paydalanu kerek ekendigin eskertti.

"The Qazaq Times"