Foto: hyser.com.ua Bay adam

Kez-kelgen adam tabısqa jetip, ataqtı bolıp, ömirde öziniñ izin qaldırıp ketudi armandaydı. Biraq bwl armanğa qol jetkizu tek mıñnan bireuiniñ  ğana qolınan keletini ras. Sonda ömirde tabısqa jetudiñ jolı qanday jäne armannıñ orındaluı üşin ne isteu kerek degen qarapayım swraqtar tuındamaq. Bwl swraqtarğa jauap izdeu maqsatında, älemdegi eñ tanımal jäne armanın aqiqatqa aynaldıra bilgen twlğalardıñ qağidalarımen tanıstıra otırsaq. Nazarlarıñızğa älemdegi eñ bay äri tanımal jazuşı Djoan Roulingtiñ maqsatqa jetudegi negizgi erejeleri men jetistiginiñ qwpiyasımen bölise otırudı jön kördik. 

  1. Eger siz bir dünieni bastasañız, onı mindetti türde ayağına deyin jetkiziñiz. Sizdi "eşkim oqımaydı", "körmeydi", "tıñdamaydı" degen oy mazalağanına qaramastan, tuındıñızdı jarıqqa şığaruğa tırısıñız.
  2. Eger sizdiñ tuındıñız öziniñ auditoriyasın taba almasa da, siz basqa eş jerden ala almaytın täjiribege ie bolasız.
  3. Sonımen qatar, eger sizdiñ jwmısıñız nazardan tıs qalsa da, ol onıñ naşar ekendiginiñ däleli emes. Talap pen eñbek - kez-kelgen isti soñına deyin jetkizetin dünie. Tuındıñızdı  ayaqtasañız, öziñizdiñ talaptı äri eñbekqor ekendigiñizge köz jetkize alasız.
  4. Siz jwmısıñızdı ayaqtağannan keyin, öziñizdiñ tağı da jasay alatındığıñızğa köziñiz jetedi. Bwl keremet şabıt beretin sezim. Eñ bastısı eştemeni jartı jolda tastap ketpeñiz jäne sätsizdikterden qorıqpañız.
  5. Mümkin sizdiñ ekinşi, besinşi, tipti segizinşi kitabıñız nemese äniñiz, tuındıñız toptı jarıp şığatın şığar. Biraq siz birinşisin jazıp bitirmeseñiz onı bile almaysız. Bastısı - sağıñızdı sındırıp almañız.                                                                                                                                   “The Qazaq Times”