وشاعى قىتايدىڭ ۋحان پروۆينتسياسىنان باستالعان كوروناۆيرۋس پاندەمياسىنا شالدىققاندار سانى ءالى كۇنگە دەيىن ارتىپ وتىر. الەم بويىنشا 5,9 ميلليون ادام دەرتكە شالدىعىپ، 347 907 ناۋقاس اجال قۇشقان. پاندەميا قاۋپى سەيىلە باستاعان ەۋروپا ەلدەرى تۋريست قابىلداۋعا دايىندىق باستاسا، لاتىن امەريكاسى كوروناۆيرۋستىڭ جاڭا وشاعىنا اينالدى. ال چەرنوگوريا ەۋروپادا COVID-19 ۆيرۋسىنان ەمدەلىپ جاتقان ناۋقاسى جوق العاشقى مەملەكەت اتاندى. 

انتيرەيتينگكە زەر سالساق، برازيليادا كوروناۆيرۋس جۇقتىرعاندار سانى يۋويىنشا رەسەيدەن وزىپ، الەمدە ەكىنشى ورىنعا شىقتى. دۇنيەجۇزىلىك دەنساۋلىق ساقتاۋ ۇيىمىنىڭ (ددسۇ) توتەنشە جاعدايلار بويىنشا باسشىسى مايك رايان وڭتۇستىك امەريكانى «ىندەتتىڭ جاڭا وشاعى»، ال برازيليانى «ەڭ كوپ زارداپ شەككەن ەل» دەپ اتادى. رايان COVID-19 دەرتىن جۇقتىرعاندار مەن ودان كوز جۇمعاندار سانى ەلدە ەڭ كوپ امازونيا ايماعىنا نازار اۋداردى.

كوروناۆيرۋس الەم ەلدەرى ءۇشىن ەكونوميكالىق رەگرەسس تۋىنداتتى. ماسەلەن، ونەركاسىپ ەكسپورتىنا تاتسەلدى گەرمانيا ءىرى قارجى داعدارىسىنا ۇشىرادى. نەمىس ۇكىمەتى ەكىنشى دۇنيەجۇزى سوعىسىنان بەرگى ەڭ كۇردەلى ەكونوميكالىق قۇلدىراۋدى كۇتىپ وتىر. بيىل ىشكى جالپى ءونىم 6,3%-عا دەيىن قىسقارادى دەگەن بولجام بار. سوڭعى دەرەكتەر بويىنشا، ەلدە 11 مىڭ ادامنان ۆيرۋس انىقتالعان

فرانتسيا مەن ۇلىبريتانيادا شەكەتۋ شارالارى بىرتىندەپ جەڭىلدەتىلە باستادى. ۇلىبريتانيا پرەمەر-ءمينيسترى: «ەلدە كوروناۆيرۋستى انىقتايتىن 3 ملن 500 مىڭنان استام تەست وتكىزىلدى. ناتيجەسىندە 261 مىڭ 184 ادامعا COVID-19 دياگنوزى قويىلدى.  ازىرگە اشىق اسپان استىندا ساۋدا ورىندارى مەن اۆتوسالوندار  اشىلادى. ال ماۋسىم ايىنىڭ ورتاسىندا كوپتەگەن دۇكەن جۇمىسىن جانداندىرادى. الايدا مۇنىڭ ءبارى ايماقتاعى جاعدايعا بايلانىستى بولماق»، – دەدى. قازىرگى ۋاقىتتا بىرىككەن كورولدىكتە كوروناۆيرۋس جۇقتىرعاندار سانى 261 مىڭنان اسىپ، قازا بولعانداردىڭ قاتارى 37 مىڭعا جۋىقتادى.

العاشقى كەزدە كوروناۆيرۋستىڭ ەۋروپاداعى وشاعىنا اينالعان يتاليا ەۋرووداق ەلدەرىنەن كەلەتىن تۋريستەردى رەسمي تۇردە 3 ماۋسىمنان قابىلداۋعا ءازىر. مۇندا مۇراجايلار جۇمىسىن باستاۋدا. بەيسەنبىدە – كوليزەي، ودان كەيىن فلورەنتسياداعى ۋففيتسي گالەرەياسى اشىلماق. 1 ماۋسىمنان باستاپ بيلەتتەرىن برونداعان تۇرعىندار ۆاتيكان مۇراجايلارىن تاماشالاي الادى.

ۆيرۋس شارىقتاۋ شەگىنەن وتكەن يسپانيا 8 ماۋسىمنان كەيىن فۋتبولدان ۇلتتىق چەمپيوناتتى باستاماق. بۇعان دەيىن يسپانيا ۇكىمەتى جاڭا كوروناۆيرۋستىڭ تارالۋىنا جول بەرمەۋ ءۇشىن ەلگە 15 مامىردان باستاپ كەلەتىن ادامداردىڭ بارلىعىنا ەكى اپتاعا كارانتيندە بولادى دەپ حابارلاعان. يسپانيا پرەمەر-ءمينيسترى پەدرو سانچەس: «يسپانيا جىل سايىن 80 ميلليوننان استام قوناقتى قابىلدايدى. شىلدەدەن باستاپ شەتەلدىك تۋريستەر ەلگە قاۋىپسىز جاعدايدا كەلە الاتىنىن جاريالايمىن. وسى كەزدەن باستاپ، شەتەلدىك تۋريستەر ەلىمىزدە دەمالىسىن جوسپارلاي الادى»، – دەدى.

كارانتين كەزىندە ءتورت قابىرعاعا قامالعان جاپونيا مەن وڭتۇستىك كورەيا حالقى دا قالىپتى ومىرگە اۋىسا باستادى. جاپونيادا بۇگىننەن باستاپ توتەنشە رەجيم جاعدايى كۇشىن جويسا، كورەيادا بالاباقشالار مەن باستاۋىش مەكتەپتەر قايتا اشىلدى. قوس مەملەكەت تە كوروناۆيرۋستىڭ ەكىشى تولقىنى بولاتىنىن ايتتى.

تۇركيا ۆيرۋسقا قارسى كۇرەستە ايتارلىقتاي ناتيجەگە قول جەتكىزىپ وتىر. باستاپقىدا 100 مىڭنان استام كەيس تىركەلسە، قازىر 33 مىڭداي ناۋقاس ەم قابىلداپ جاتىر. اپتا سايىن ەلدە ءتورت كۇندىك كومەنداتتىق ساعات ەنزىلىپ، كارانتين شارالارى كۇشىن جويعان جوق. دەگەنمەن ماۋسىمنىڭ ورتاسىندا تۇركيادا حالىقارالىق اۋە قاتىناستارى قالپىنا كەلتىرىلۋى مۇمكىن.

قاۋىپتى دەرتكە شالدىققاندار سانى 140 مىڭنان اسقان ءۇندىستاندا ىشكى اۋە رەيستەرى جانداندى. بورتقا ارنايى قۇرىلعى ارقىلى تىركەلگەن جولاۋشىلار عانا كىرگىزىلەدى. ۇشاقتا تاماقتانۋعا تىيىم سالىنعان. وسىنداي ساقتىق شارالارىنا قاراماستان ەلدەگى كەي شتاتتار ەپيدەميولوگيالىق احۋالدى العا تارتىپ، جولاۋشىلار مىندەتتى تۇردە كارانتينگە جابىلاتىنىن مالىمدەدى.

ۆيرۋس ەڭ كوپ انىقتالعان ەلدەردىڭ ءتىزىمى:

اۋىرعاندار / جاڭا جاعدايلار

اقش: 1706226 / +19790

برازيليا: 376669 / +13051

رەسەي: 353427 / +8946

يسپانيا: 282480 / +0

ۇلىبريتانيا: 261184 / +1625

يتاليا: 230158 / +300

فرانتسيا: 182942 / +358

گەرمانيا: 180789 / +461

تۇركيا: 157814 / +987

ءۇندىستان: 144950 / +6414

 تمد ەلدەرى بويىنشا ەپيداحۋال مىناداي:

بەلارۋس: 37144 / +946

ۋكراينا: 21245 / +259

قازاقستان: 8969 / +428

مولدوۆا: 7147 / +54

ارمەنيا: 7113 / +452

ازەربايجان: 4271 / +149

وزبەكستان: 3189 / +25

تاجىكستان: 3100 / +171

قىرعىزستان: 1433 / +30

گرۋزيا: 731 / +1

 

"The Qazaq Times"