Soñğı bir täulikte älem boyınşa atı jaman indet jwqtırğandar sanı kürt artıp, 106 mıñ jaña jağday tirkelgen. Bwl Düniejüzilik Densauıq saqtau wyımın alañdatıp otır. Dünie jüzi boyınşa indet jwqtırğandar sanı 5 millionnan astı jäne qaza bolğandar sanı 330 mıñğa juıqtadı.

Bwğan deyin indet oşağı Europa men AQŞ bolıp twrsa, endigi kezek Latın Amerikasına kelgendey. Braziliyada ötken bir täulikte 1179 adam virustan köz jwmdı jäne jalpı qaza bolğandar sanı 18 mıñ adamğa jetti. Eldegi infekciya jağdayınıñ barğan sayın auırlap bara jatqanına qaramastan el ükimeti karantin şaraların äli de qabıldap otırğan joq. Äsirese, 12 mln halqı bar San-Pauluda qalası eñ köp zardap şegude. El prezidenti karantin şarasına qarsı bolğanımen atalğan qalada bes kün jwmısqa şıqpau şarası engizildi.

Mamandardıñ boljamında, jaqın arada älemde pandemiyağa baylanıstı jañalıqtardıñ jaqsara qoyuı ekitalay. Sebebi, köptegen elderde indetti anıqtau üşin testileu şaraları tolıq ötelgen joq jäne keybir ükimetter naqtı sandı jasırıp otır. Al, indet alıp kelgen ekonomikalıq şığındardıñ jayı öz aldına bir töbe. Jwmıssızdıq pen köp saladağı ekonomikalıq dağdarıstıñ şığını boljausız köp.

Düniejüzilik Bank prezidenti Devid Malpasstı älem ekonomikasınıñ öte qiın jağdayğa qaluı mümkin ekenin tağı bir märte eskertti. «Bizdiñ esebimizşe, älemde eñ keminde 60 mln adam auır kedeyşilikke tap boladı, sonıñ saldarınan soñğı üş jılda jasalğan kedeyşilikke qarsı barlıq şaralardıñ nätijesi nölge teñ boladı», – dedi DB prezidenti. Ädette, Düniejüzilik Bank «auır kedeyşilik» dep kündik tabısı 1,9 dollardı qwraytın adamdardı körsetetinin ayta keteyik.

Pandemiyağa baylanıstı Düniejüzilik Bankten qarız swrağan elderdiñ sanı 100-den asıp ketken. Bwl elderde älem halqınıñ 70 payızı ömir süredi. Osınıñ özi aldağı birneşe jılda älem halqınıñ qanşalıqtı qiınşılıqqa tap keletinin körsetip twr. DB tarabı jağdayı eñ auır elderge bağıttay otırıp 160 mlrd dollar köleminde grant pen tömen payızdıq nesieler berip jatır. Biraq, DB jetekşiler bwnıñ tım mardımsız qarajat ekenin de ayttı jäne halıqtıñ qarızın keşirmey tırtısıp otırğan kommerciyalıq bankterdi sınğa aldı.

“ The Qazaq Times”