Foto: Ortalıq Aziya jañalıqtarı

Elordanıñ irgesinde ornalasqan  Aqmola oblısı Celinograd audanı Qarajar auılı twrğındarı 11 mamırda  blokpostı aşudı ne özderin qalağa kirgizudi talap etip, astanağa kireberis joldı japtı. Qaladan ne barı eki şaqırım qaşıqta bolsa da auılda ne jarıq, su ne interneti joq auıl twrğındarı näpäqasın el astanasına qatınap tauıp kelgen-di. Keşe tötenşe jağday ayaqtalğanımen karantin arı qaray sözılatının aytqan el biligi qalalarğa kirip-şığu tek arnayı rwhsat pen ğana bolatının eskertken bolatın.

Ayma-ay töleytin päter aqısı men işip-jeytin tamağınan tarıqqan jwrt qalağa kirgizudi şeşip bermese narazılıqtarın toqtatpaytının eskertti.

Qalağa kirgizudi talap etken jwrtqa Celinograd audanı äkimi Bahidbek Ospanbekov kelip, Astana qalası äkimdigimen söyleskenin, tizim jasalsa, rwqsat beriletinin ayttı. Biraq oğan senbeytinin aytqan auıl adamdarı taraudan bas tartıp eki sağattay ketpedi.

Narazı jwrttı policeyler men arnayı jasaq baqılap twrdı. Qarajar auılı äkimi kelip jwrttı tınıştandıruğa tırısıp, twrğındardı auıl punktine jinalıp tizimge tirkeluge şaqırdı. Kün astında twrıp şarşağan jwrt aqırı könip, auıldarına qaray ketti.

Qazaqstan densaulıq saqtau ministrliginiñ mälimetinşe, elde virus jwqtırğandar 5207 adam boldı. 2074 adam dertten ayıqtı. 32 adam qaytıs boldı. Elde virus tarauına baylanıstı 16 naurızdan – 11 mamırğa deyin tötenşe jağday boldı. Bwl – Qazaqstan tarihındağı wzaqqa sozılğan alğaşqı TJ rejimi.

"The Qazaq Times"