Germaniyanıñ sırtqı ister ministri Hayko Maas Europalıq Komissiya Vengriyanıñ prem'er-ministr Viktor Orbannıñ tötenşe ökilettikterge ie bolu üşin qabıldağan şaraları Europa zañdarına säykes kelmeytinin aytıp, sankciya engizilui mümkin dedi. Bwl turalı nemis ministri jwmada Euroodaqqa müşe elderdegi äriptesterimen ötken video konferenciyadan keyin mälimdedi.

«Europalıq Komissiya Vengriya qabıldağan şaralar jalpı europalıq zañdarğa säykes kele me degen mäseleni qarastıradı», — dedi ol. Onıñ aytuınşa, EO-nıñ wzaq merzimdi qarjılıq josparı boyınşa aldağı kelissözderde negizgi qwqıqtardıñ bwzıluı zañğa qayşı. Sol sebepti odaq tarapı Budapeştke sankciya engizui mümkin.

Ükimettiñ üşten eki böligi basqarılatın FIDES-Majarstandıq Azamattıq Odaq partiyasına tiesili Vengriya Wlttıq Assambleyası 30 naurızda koronavirustıñ taraluına qarsı küreste prem'er-ministrdiñ ökilettigin wzartqan. EO basşılığı bwl şeşimdi qatañ ayıptağan.

"The Qazaq Times"