گەرمانيانىڭ سىرتقى ىستەر ءمينيسترى حايكو مااس ەۋروپالىق كوميسسيا ۆەنگريانىڭ پرەمەر-مينيستر ۆيكتور ورباننىڭ توتەنشە وكىلەتتىكتەرگە يە بولۋ ءۇشىن قابىلداعان شارالارى ەۋروپا زاڭدارىنا سايكەس كەلمەيتىنىن ايتىپ، سانكتسيا ەنگىزىلۋى مۇمكىن دەدى. بۇل تۋرالى نەمىس ءمينيسترى جۇمادا ەۋرووداققا مۇشە ەلدەردەگى ارىپتەستەرىمەن وتكەن ۆيدەو كونفەرەنتسيادان كەيىن مالىمدەدى.

«ەۋروپالىق كوميسسيا ۆەنگريا قابىلداعان شارالار جالپى ەۋروپالىق زاڭدارعا سايكەس كەلە مە دەگەن ماسەلەنى قاراستىرادى»، — دەدى ول. ونىڭ ايتۋىنشا، ەو-نىڭ ۇزاق مەرزىمدى قارجىلىق جوسپارى بويىنشا الداعى كەلىسسوزدەردە نەگىزگى قۇقىقتاردىڭ بۇزىلۋى زاڭعا قايشى. سول سەبەپتى وداق تاراپى بۋداپەشتكە سانكتسيا ەنگىزۋى مۇمكىن.

ۇكىمەتتىڭ ۇشتەن ەكى بولىگى باسقارىلاتىن FIDES-ماجارستاندىق ازاماتتىق وداق پارتياسىنا تيەسىلى ۆەنگريا ۇلتتىق اسسامبلەياسى 30 ناۋرىزدا كوروناۆيرۋستىڭ تارالۋىنا قارسى كۇرەستە پرەمەر-ءمينيستردىڭ وكىلەتتىگىن ۇزارتقان. ەو باسشىلىعى بۇل شەشىمدى قاتاڭ ايىپتاعان.

"The Qazaq Times"