Erteñ yağıni 6 säuirden bastap Qazaqstanda mektep oquşıları qaşıqtan oqi bastamaq. Qıtaydan bastau alğan koronavirus saldarınan elde karantin jariyalanıp bilim jäne ğılım ministrligi «qaşıqtan oqu» jüiesin wsınğan.Bwğan deyin türli aymaqtardağı mektep oquşıları qaşıqtan oquğa aldın ala dayındalğan. Osı dayındıqtıñ nätijesinde otız jıldıq «jarqın bolaşağımızdıñ» anığı«cifrlı Qazaqstan» wranınıñ artı aşılıp qaldı. 

Ötken jwma küngi bilim jäne ğılım vice ministri Rüstem Biğari men «Qazpoşta» basqarma töreğası Säken Särsenov cifrlı qazaqstannıñ «cifrınıñ jetpey qalğan» jerlerindegi oquşılardı hat arqılı oqıtpaq bolıp memoranduğa qol qoyısqan.

Taraptardıñ sözine sensek siqırlı mwğalim «Qazpoşta» oqu materialdarı men oquşılardıñ tapsırmaların uaqtılı jetkizip twrmaq.

Resmi derekterge üñilsek jer älemdi örmekşiniñ torınanda jii torlağan äue tolqınnıñ elimizde jetpey qalğan jeri jeterlik eken. Sonıñ saldarınan 20  mıñ oquşı «Qazpoşta» arqılı oqımaq. Mine sağan cifrlı Qazaqstan. Alıs auıldar tügili keşe ğana atı mäşhwr EKSPO ötkizgen astana men ğılım men tehnikanıñ ortası sanalatın Almatınıñ tübindegilerdiñ özi internetke jarıp otırğan joq.

Osığan deyinde de biraz twrğını internet jelisisiniñ naşar nemese müldem joq ekenine şağımdanğan bolatın.

Sonı qaperge alsa kerek aqparat jäne qoğamdıq damu ministri Abaevtıñ 26 naurızdağı aytqanın eskersek onlayın sabaqtar 30 minutqa deyin bolatının, qosımşa keskindi sabaqtar jergilikti telearnalar arqılı körsetiletinin aytqan-dı.

Aqparat jäne qoğamdıq damu ministri Abaevtıñ «2017 jılı  elimizdegi internetti paydalanuşılardıñ sanı  78,8 payızğa jetti» degeni ötirik ekenin köz kördi. Endi ministrdiñ «2021 jılı twrğındarınıñ sanı 50-den asatın 6 mıñ auıldıq meken internetpen qamtıladı. Qazirgi uaqıtta auıldıq eldi mekenderdegi tapşılıqtı optikalıq baylanıs jelileri tehnologiyası boyınşa keñ jolaqtı internetpen qamtamasız etu jobası iske qosılğan» degen söziniñ aqırın küte twramız.

Ayta keterligi bwğan deyin bilim jäne ğılım ministri Aymağambetov qazaqstandağı joğarı oqu orındarınıñ 30 payızı qaşıqtan oquğa dayın degen. 16 naurızdan bastap joğarı oqu orındarı men kolledjdiñ qaşıqtan oquğa kirisken studenteriniñ birazı auıl mañındağı tau bası men üy-üydiñ töbesinde «cifrlı qazaqstannıñ» cifrın jelisin quıp jür. Endigi kezek mektep oquşılarında. Aldıda olardan da talay jambastap jatıp alıp aytatın äñgime tabılar.

"The Qazaq Times"