????????

Äl-Farabi atındağı QazWU-dıñ wyımdastıruımen ötetin respublikalıq bayqau segiz jıldan beri bükil eldi qamtitın eleuli alañğa aynaldı. Bayqau jastardıñ patriotiottıq sezimin biikke köterip, azamattıq jauapkerşiligin arttırıp, intellektualdı jäne şığarmaşılıq äleuetin damıtuğa bağıttalğan.

Bayqau bağdarlamasın dästürli türde üzdik studenttik innovaciyalıq jobalar nominaciyaları, «Elimizdiñ innovaciyalıq damuına qosqan meniñ naqtı ülesim» taqırıbındağı startap, «Kayırımdı qoğam» äleumettik jobası, sonımen qatar «Men öz elimniñ örkendeui üşin ne istey alamın?» attı üzdik esse, patriottıq taqırıptağı poeziyalıq şığarmalar men änder bayqauları qamtidı.

Alğaşqı irikteu kezeñi osı jılı säuirdiñ 10 men 30 aralığında qaşıqtıq rejimde ötedi. Onlayn tirkeluden keyin qatısuşılar videorolikteri men öz jwmıstarın elektrondı türde wyımdastıru komitetine joldauları qajet. Bayqauğa qatısu – studentterge özderin körsete biluge, äleumettik-mañızdı bastamaları men şığarmaşılıq jobalarımen bölisuge taptırmas mümkindik. Qaşıqtıq irikteu kezeñiniñ qorıtındısı boyınşa finalğa jetken qatısuşılar anıqtaladı. Finalğa ötkenderdiñ videorolikteri men şığarmaşılıq tuındıların äleumettik jelilerge jariyalau josparlanuda, sol jerde ärkim özine wnağan jwmısqa dauıs bere aladı.

Prorektor Şolpan Jamanbalaeva aytqanday, wyımdastıru komitetine jıl sayın elimizdiñ är öñirindegi studentterden 2 mıñnan asa ötinim kelip tüsedi. Bayqau finalı 2020 jıldıñ qaraşasında äl-Farabi atındağı QazWU-da VIII «Men jastarğa senemin!» forumı ayasında ötedi. Qatısuşılar öz jobaların taqırıptıq sekciyalar otırısında tanıstırıp, qorğay aladı.

Bayqau qatısuşılarınıñ jwmıstarın ob'ektivti bağalaudı täuelsiz qazılar alqası qamtamasız etedi. Onıñ qwramına bedeldi mamandar – qoğam, ğılım, mädeniet jäne öner qayratkerleri, biznes, memlekettik  qwrılımdar jäne BAQ ökilderi kiredi. Qwzıretti qazılar alqası üzdik jwmıstardı är kezeñde – qaşıqtan irikteu kezeñinen bastap Almatıdağı finaldıq bayqauğa deyin anıqtaydı.

Jeñimpazdar qwndı sıylıqtar jäne diplomdarmen marapattaladı. Üzdiktiñ eñ üzdigi bas jülde – äl-Farabi atındağı QazWU-da bir jıl tegin oqu grantına ie boladı. Onlayn dauıs beru qorıtındısı boyınşa körermender közayımı sıylığı da beriledi.

Bayqauğa qatısuğa ötinim beru, irikteu kezeñiniñ barısın qadağalau, sonımen qatar onlayn dauıs beruge qatısu www.kaznu.kz saytında tirkelu arqılı jüzege asadı.

Saqbek Mayya

"The Qazaq Times"