Koronavirus pandemiyası Qarağandığa da jetti. Densaulıq saqtau ministrliginiñ baspasöz qızmeti onda 2 adamnıñ indetke wşırağanın habarladı.

Vedomstvo ökilderi soñğı täulikte Almatıda da tağı üş adamnıñ virus jwqtırğanı anıqtalğanın ayttı.

«Koronavirus indetin jwqtırğan tağı 5 adam tirkeldi. Osı sağatta Almatı qalasında – 22 adam, astanada – 25 adam, Qarağandı kalasında – 2 adam, jalpı 49 nauqas tirkeldi», – delingen vedomstvo habarlamasında.

19 naurızdağı derek boyınşa, Qazaqstanda 860 adam auruhana, 2611 adam üy karantininde (barlığı 3471 adam). Sonday-aq vice-prem'er Erjan Toğjanov 23 naurızğa deyin 18 reyspen şetelde jürgen 4 mıñğa tarta qazaqstandıqtı elge jetkiziletinin habarladı.

Qazaqstanda 16 naurızdan bastap koronavirusqa baylanıstı tötenşe jağday jariyalanğan. Al Almatı qalası men astanada 19 naurızda karantin engizildi.

"The Qazaq Times"