Vengriyanıñ Budapeşt qalasında koronavirus jwqtırğan Qazaqstan azamatı emdelip jatır. Bwl turalı Qazaqstannıñ sırtqı ister ministrligi habarladı.

Vedomstvo habarlamasında: «2020 jılğı 16 naurızda Qazaqstannıñ Majarstandağı Elşiligine bizdiñ bir azamatşamız Budapeşt qalasında koronavirus küdigimen jergilikti auruhanalardıñ birine jatqızılğanı turalı habarlama kelip tüsti. Jürgizilgen medicinalıq taldaulardıñ nätijelerine säykes därigerlerdiñ küdigi rastaldı. Atalğan jağday bizdiñ diplomattarımızdıñ erekşe baqılauında», – delingen. Qazirgi uaqıtta nauqastıñ densaulığı twraqtı, ol auruhanada em qabıldap jatır.

Büginnen bastap Vengriya şetel azamattarın el aumağına kirgizbeu turalı şeşim şığardı. Soñğı aqpar boyınşa, elde 39 adam koronavirustı jwqtırğan. Bireui qaytıs bolğan. Qauiptiñ küşeyuine baylanıstı mwnda adam köp jiılatın jappay şaralardı ötkizuge tıyım salındı. Kinoteatrlar men klubtar jabıldı. Tamaqtanu orındarı men dükenderdiñ köbi tüski üştken keyin jwmıs istemeydi. Biraq azıq-tülik dükenderi men emhanalar aşıq boladı. Bilik jası 70-ten asqan twrğındarğa üyden şıqpauğa keñes berip otır. Prem'er-ministr Viktor Orban eldiñ byudjetin özgertuge tura keletinin ayttı. Bwl rette ükimet jwmıs orındarınıñ saqtaluına köp köñil böledi.

"The Qazaq Times"