Büginnen bastap tağı birneşe elmen sanitarlıq tärtip küşeytildi. Bwl jöninde Densaulıq saqtau ministri Eljan Birtanov mälimdedi.

Resmi mälimetter boyınşa, däl qazir şet elderde sayahattap jürgen 4 mıñnan astam qazaqstandıq azamat bar. Sol sebepti Franciya, Iran, Italiya, Ispaniya jäne Germaniyadan kelgender endi mindetti türde karantinge jatqızıladı. Qıtay ne Koreya siyaqtı memleketterden oralğandar üyde oqşaulanuı kerek. Al basqa el azamattarınıñ Qazaqstanğa keluine tıyım salınğan.

Densaulıq saqtau ministri Eljan Birtanov: «Sonımen qatar ekinşi kategoriya boyınşa Filippin, Katar, Ündistan, BAÄ, Wlıbritaniya, Äzerbayjan, Tailand jäne AQŞ-tan bizdiñ elge oralğan azamattarğa medicinalıq monitoringke alınadı. Bwğan qosa, elimizdegi medicinalıq wyımdarda, internattarda karantin bastaladı», – dedi.

Bügin tañerteñ mälim bolğanday, Qazaqstanda koronavirustıñ 27 jağdayı tirkeldi. Almatıda segiz jäne elordada eki adamnan virus anıqtaldı. 16 naurızdan bastap elimizde 30 künge tötenşe jağday rejimi engizildi. Qajet bolğan jağdayda rejim wzartıluı mümkin.

"The Qazaq Times"