بۇگىننەن باستاپ تاعى بىرنەشە ەلمەن سانيتارلىق ءتارتىپ كۇشەيتىلدى. بۇل جونىندە دەنساۋلىق ساقتاۋ ءمينيسترى ەلجان ءبىرتانوۆ مالىمدەدى.

رەسمي مالىمەتتەر بويىنشا، ءدال قازىر شەت ەلدەردە ساياحاتتاپ جۇرگەن 4 مىڭنان استام قازاقستاندىق ازامات بار. سول سەبەپتى فرانتسيا، يران، يتاليا، يسپانيا جانە گەرمانيادان كەلگەندەر ەندى مىندەتتى تۇردە كارانتينگە جاتقىزىلادى. قىتاي نە كورەيا سياقتى مەملەكەتتەردەن ورالعاندار ۇيدە وقشاۋلانۋى كەرەك. ال باسقا ەل ازاماتتارىنىڭ قازاقستانعا كەلۋىنە تىيىم سالىنعان.

دەنساۋلىق ساقتاۋ ءمينيسترى ەلجان ءبىرتانوۆ: «سونىمەن قاتار ەكىنشى كاتەگوريا بويىنشا فيليپپين، كاتار، ءۇندىستان، ءباا، ۇلىبريتانيا، ازەربايجان، تايلاند جانە اقش-تان ءبىزدىڭ ەلگە ورالعان ازاماتتارعا مەديتسينالىق مونيتورينگكە الىنادى. بۇعان قوسا، ەلىمىزدەگى مەديتسينالىق ۇيىمداردا، ينتەرناتتاردا كارانتين باستالادى»، – دەدى.

بۇگىن تاڭەرتەڭ ءمالىم بولعانداي، قازاقستاندا كوروناۆيرۋستىڭ 27 جاعدايى تىركەلدى. الماتىدا سەگىز جانە ەلوردادا ەكى ادامنان ۆيرۋس انىقتالدى. 16 ناۋرىزدان باستاپ ەلىمىزدە 30 كۇنگە توتەنشە جاعداي رەجيمى ەنگىزىلدى. قاجەت بولعان جاعدايدا رەجيم ۇزارتىلۋى مۇمكىن.

"The Qazaq Times"