Бүгіннен бастап тағы бірнеше елмен санитарлық тәртіп күшейтілді. Бұл жөнінде Денсаулық сақтау министрі Елжан Біртанов мәлімдеді.

Ресми мәліметтер бойынша, дәл қазір шет елдерде саяхаттап жүрген 4 мыңнан астам қазақстандық азамат бар. Сол себепті Франция, Иран, Италия, Испания және Германиядан келгендер енді міндетті түрде карантинге жатқызылады. Қытай не Корея сияқты мемлекеттерден оралғандар үйде оқшаулануы керек. Ал басқа ел азаматтарының Қазақстанға келуіне тыйым салынған.

Денсаулық сақтау министрі Елжан Біртанов: «Сонымен қатар екінші категория бойынша Филиппин, Катар, Үндістан, БАӘ, Ұлыбритания, Әзербайжан, Таиланд және АҚШ-тан біздің елге оралған азаматтарға медициналық мониторингке алынады. Бұған қоса, еліміздегі медициналық ұйымдарда, интернаттарда карантин басталады», – деді.

Бүгін таңертең мәлім болғандай, Қазақстанда коронавирустың 27 жағдайы тіркелді. Алматыда сегіз және елордада екі адамнан вирус анықталды. 16 наурыздан бастап елімізде 30 күнге төтенше жағдай режимі енгізілді. Қажет болған жағдайда режим ұзартылуы мүмкін.

"The Qazaq Times"