Körneki suret. Foto: aşıq derekköz

Qazaqstanda törtinşi adamdan koronavirus tabıldı. Bwl turalı 13 naurız, keşe keşkisin densaulıq saqtau ministrliginiñ resmi ökili Dias Ahmetşärip habarladı.

Onıñ sözinşe, virus Almatı qalasınıñ 1976 jılğı twrğınınan tabıldı. Er adam Qazaqstanğa 13 naurızda Germaniyadan jolauşılar wşağımen wşıp kelgen. Qazir virus jwqtırğan qazaqstandıq Almatıda arnayı auruhanada jatır.

Jwma keşke deyin Qazaqstan densaulıq saqtau ministrligi Germaniyadan kelgen eki adamnan, Italiyadan kelgen bir adamdan Covid-19 virusı tabılğanın mälimdegen edi.

Qazir Qazaqstanda virus jwqtırğandar sanı törteuge jetti. Dertke şaldıqqandardıñ bäri - Qazaqstan azamatı.

"The Qazaq Times"