Körneki suret. Foto: mothership.com

N'yu-York ştatı men qalasınıñ basşıları Endryu Kuomo jäne Bill De Blazio birqatar naqtı şeşim qabıldadı. Bwl turalı halıqaralıq The Guardian basılımı habarladı.

N'yu-York qalasınıñ meri Bill De Blazio kelesi aptada mıñğa juıq nauqas tirkelui mümkin degen boljam negizinde beysenbi küni tötenşe jağday jariyaladı. Äkimniñ sözinşe, TJ engizu arqılı naqtı qadamdardı iske asıruğa mümkindik jeñildeydi.

Bill milliondağan twrğını bar qalanıñ jağdayına qatıstı tarağan qauesetterdi tübegeyli joqqa şığardı.

Transport basqarmasınıñ resmi uäkili Aaron Donovan  temirjol qatınası üzilmeytinin habarladı.

Al N'yu-York ştatınıñ basşısı gubernator Endryu Kuomo keşe koronaviruspen küres bağıtında 500-den köp kisi qatısatın köpşilik jiınınına şekteu qoydı.

Sonday-aq jeksenbi Şer, Bleyk Şelton, Den + Şey men Billi Eyliş öner körsetedi dep josparlanğan Medison Skuer Garden sahnasındağı än keşi de ötpeytin boldı. Brodvey teatrları keşeli beri öz jmısın toqtattı.

Bloomberg agenttiginiñ bügingi dereginşe, AQŞ-ta 1620 nauqas anıqtalıp, onıñ 40-qa juığı köz jwmğan. N'yu-York ştatında qaterli dertke şaldıqqandar sanı 325-ke jetken.

"The Qazaq Times"