نيۋ-يورك شتاتى مەن قالاسىنىڭ باسشىلارى ەندريۋ كۋومو جانە بيلل دە بلازيو بىرقاتار ناقتى شەشىم قابىلدادى. بۇل تۋرالى حالىقارالىق The Guardian باسىلىمى حابارلادى.
نيۋ-يورك قالاسىنىڭ مەرى بيلل دە بلازيو كەلەسى اپتادا مىڭعا جۋىق ناۋقاس تىركەلۋى مۇمكىن دەگەن بولجام نەگىزىندە بەيسەنبى كۇنى توتەنشە جاعداي جاريالادى. اكىمنىڭ سوزىنشە، تج ەنگىزۋ ارقىلى ناقتى قادامداردى ىسكە اسىرۋعا مۇمكىندىك جەڭىلدەيدى.
بيلل ميلليونداعان تۇرعىنى بار قالانىڭ جاعدايىنا قاتىستى تاراعان قاۋەسەتتەردى تۇبەگەيلى جوققا شىعاردى.
ترانسپورت باسقارماسىنىڭ رەسمي ۋاكىلى اارون دونوۆان تەمىرجول قاتىناسى ۇزىلمەيتىنىن حابارلادى.
ال نيۋ-يورك شتاتىنىڭ باسشىسى گۋبەرناتور ەندريۋ كۋومو كەشە كوروناۆيرۋسپەن كۇرەس باعىتىندا 500-دەن كوپ كىسى قاتىساتىن كوپشىلىك جيىنىنىنا شەكتەۋ قويدى.
سونداي-اق جەكسەنبى شەر، بلەيك شەلتون، دەن + شەي مەن بيللي ەيليش ونەر كورسەتەدى دەپ جوسپارلانعان مەديسون سكۋەر گاردەن ساحناسىنداعى ءان كەشى دە وتپەيتىن بولدى. برودۆەي تەاترلارى كەشەلى بەرى ءوز جمىسىن توقتاتتى.
Bloomberg اگەنتتىگىنىڭ بۇگىنگى دەرەگىنشە، اقش-تا 1620 ناۋقاس انىقتالىپ، ونىڭ 40-قا جۋىعى كوز جۇمعان. نيۋ-يورك شتاتىندا قاتەرلى دەرتكە شالدىققاندار سانى 325-كە جەتكەن.
الماتى وبل پركۋراتۋراسى. بەلسەندىلەر: «جالعان جالامەن قاماۋداعى ايگەرىم مەن دۋمانعا بوستاندىق!»
ارمان الىمبەكوۆ: مەن ول جەردىڭ رەزيدەنتسيا ەكەنىن بىلمەدىم. ەشنارسە بۇلدىرمەدىم.
قوساي ماحامباەۆ: وق تيگەن ادامدى قۇتقارام دەگەندە ءوزىمدى اتىپ تاستادى
رەزيدەنتسيا ءىسى. ورىنعازى سەرىكبول: بەيبىت شەرۋگە شىقتىم. ال، 269 باپتى مويىندامايمىن
كيبەرشابۋىلعا ۇشىراعان باق وكىلدەرى قۇقىق قورعاۋ ورگاندارىنا ارىز ءتۇسىردى