Qwrama Ştattıñ policiyası balalardı qamap wstap, atıs qaruların paydalanuğa jattıqtıratın jasırın lagerdi tauıp şıqtı. Lagerde 1 jastan 15 jas aralığındağı arıp-aşıp, äbden qinau körgen 11 bala tabılğan. Bwl turalı habar tarasımen älemniñ aqparat keñistigin dür silkindirdi.

Jergilikti BAQ ökilderiniñ habarında, bwl lagerde Siraj ibn Vahaj attı adamnıñ mektepterge terrorlıq şabuıl jasauğa paydalanu üşin balalardı dayındap jürgenin jazdı.

N'yu-York ştatınan tabılğan bwl zañsız äri jasırın lagerden eki er, üş äyeldi policiya qamauğa alıp tergeude. Boljamdar boyınşa, üş äyel sondağı balalardıñ anası boluı mümkin delingen. Tergeu-tekseru kezinde lager mañınan balalardıñ süyegi de tabılğan.  

Siraj ibn Vahaj bıltır qaraşada «öz balasın wrlap ketken» degen ayıppen tergeuge alınğan. Sot kezinde balasınıñ talma auruı bar ekenin belgili bolğan. Vahaj balasına jın kirip ketti dep oñaşada dwğa oqıp emdep jürgenin aytqan.

Balalardıñ azaptalğanı mälim boldı. Foto: BBC.

Jasırın lagerdi tekseru barısında balalardıñ auır azap körgeni mälim bolğan. Prokuroatura jaq sot bitkenşe Siraj ibn Vahajdı kepildikpen bosatuğa bolmaytının aytadı.

Mälimetterde, policiyanıñ jasırın lager turalı bilgenine birşama uaqıt ötken. Odan beri tergeu-tekseru bwyırığın kütken jäne lagerde qarulı ekstremistik top boluı mümkin dep boljanğan.

N'yu-York basılımdarı qaumauğa alınğan ibn Vahajben Bruklindegi tanımal imam Siraj Vahajdıñ tuısqandıq baylanısı boluı mümkin dep jazğan. Tipti äkeli-balalı Vahajdar boluı mümkin delindi. Imam Vahaj bolsa AQŞ-tağı mwsılmandar men özge de din ökilderi arasında asa tanımal adam.

 “The Qazaq Times”