AQŞ reseylik «Rosneft'»-ke enşiles kompaniya TNK Trading International SA-ğa sankciyalar engizdi. Bwl turalı beysenbide AQŞ Qarjı ministrligi şeteldik aktivterdi baqılau departamenti (OFAC) habarladı.

Vedomstvo habarlamasında: «Şeteldik aktivterdi basqaru keñsesi bügin TNK Trading International SA kompaniyasına Venesuela ekonomikasınıñ mwnay sektorındağı operaciyaları üşin sankciyalar engizedi. Kompaniya Şveycariyada tirkelgen jäne» Rosneft' «memlekettik kompaniyasınıñ enşiles käsipornı», — delingen.

18 aqpanda AQŞ äkimşiligi Venesueladan mwnay satıluına baylanıstı «Rosneft' TNK Trading International» jäne onıñ prezidenti Did'e Kasimiroğa sankciya engizetinin habarladı. Qara tizimge ilikkenderge AQŞ azamattarı nemese kompaniyalarımen biznes jürgizuge tıyım salınadı.

Venesuelanıñ PDVSA memlekettik mwnay kompaniyası önimderi men esepşottarın Reseydiñ «Rosneft'» kompaniyasına ötkizgendigi mälim boldı. Al «jasırın qızmeti» üşin Resey Venesueladan köp kölemde qarjı alğan. Osığan baylanıstı AQŞ ükimeti PDVSA kompaniyasınıñ mwnay önimderin satıp aluğa sankciya engizgen bolatın. Sonımen qatar Venesuelanıñ Ortalıq bankine de sankciya jariyalap, AQŞ dolların aluğa tıyım salındı. Donal'd Tramtıñ wlttıq qauipsizdik boyınşa keñesşisi Djon Boltonnıñ aytuınşa, bwl äreket – eldiñ qazirgi prezidenti Nikolas Maduronıñ äskeri quatın arttıruğa kömektesip otırğan Resey men basqa elderge jasalğan eskertu. Keñesşi Venesuelada reseylik äskerilerdiñ jüruin «arandatu» jäne «el qauipsizdigine töngen qater» dep atadı.

Osığan deyin Venesuelada orın alıp jatqan dağdarısqa tosqauıl bolu üşin Resey Karakasqa äsker jibergen bolatın. Resmi Mäskeu «diktator» atanğan Veneseula prezidenti Nikolas Maduroğa qoldau blidiretinin ayttı.

«Rosneft'» — PDVSA memlekettik kompaniyasımen birge mwnay barlau jäne öndiru boyınşa birneşe jobalardı jüzege asıratın Venesueladağı eñ iri şeteldik investorlardıñ biri. Kompaniyalarda sonday-aq Perforosven mwnay käsipşiliginde servistik birlesken käsipornı bar.

"The Qazaq Times"