Reseydegi jalpıhalıqtıq şeru. 29 aqpan 2020 jıl. Mäskeu. Foto: Aleksandr Fel'dman

Reseydegi negizgi aymaqtardıñ ortalıq qalalarında qastandıqpen öltirilgen sayasatker Boris Nemcovti eske alu, onıñ öliminiñ jwmbağı äli aşılmağanına qarsı jalpıhalıqtıq narazılıq ötip jatır.

Tanımal reseylik oppoziciya sayasatkeri, «Respublikanskaya partiya Rossii — Partiya narodnoy svobodı» (RPR-PARNAS) partiyasınıñ törağalarınıñ biri, YAroslavl' oblıstıq Dumasınıñ deputatı Boris Nemcovtı 2015 jıldıñ 27 aqpan küni belgisiz qarulı top atıp ketken bolatın.

Mıñdağan adam qatısqan beybit şerude «Putin – wrı!», «Putinsiz Resey», «Sayasi ölimge jol joq», «Resey azat boladı», «Boris Nemcov – Reseydiñ halıq batırı!», «Putin ketui kerek!», «Bostandıq», «Bosat» dep wrandardı aytıp ayqayladı. Olar Boris Nemcovtıñ ölimine tapsırıs beruşilerdi anıqtap, jazağa tartıluın, Kreml' komandasınıñ tolıq auısuın, sayasi twtqındardı dereu bosatıluın, eldegi adam haqınıñ zañ jüzinde qorğaluın talap etip jatır.

«Belıy Sçetçik» monitoring jürgizuşi wyımnıñ esebinşe, Mäskeude 23 mıñnan astam, Sankt-Peterburgta 3 mıñday, Krasnodarda 2 mıñğa juıq adam qatısıp jatır. Ereuilşilder sanı sağat sayın köbeyude. Narazılardıñ bügingi şeruiniñ bastı taqırıbı – «Konstituciyanı emes, bilikti özgertu kerek!». Qwqıq qorğauşılardıñ dereginşe, Boris Nemcovtıñ qazasınan keyin sayasi twtqındardıñ sanı 20 ese ösken.

Jappay sipat alğan narazılıq aumağında BAQ ökilderi emin-erkin jwmıs jürgizude. Aqparat der kezinde tarap otır. Internet bwğattalmağan.


Osıdan bes jıl bwrın Mäskeudegi Moskvorşı köpiriniñ boyında aq tüsti kölik mingen qılmıskerler altı märte oq jaudırıp, onıñ törteui Nemcovqa tigen edi. Keyinnen tergeu komiteti Kavkazdıñ bes twrğının küdikti dep tanığan. Olar Anzor jäne Şadid Gubaşev, Zaur Dadaev, Hamzat Bahaev jäne Temirlan Eskerhanov.

"The Qazaq Times"