Wstau kezinen. 27 aqpan 2020 jıl. Astana. Foto: äleumettik jeliden skrin-qiındı

Qoğamdı dür silkindirgen Dulat Ağadildiñ jwmbaq öliminen keyin jer-jerden marqwmdı jerleuge mıñdağan adam kelip qatıstı. Aqpannıñ 27-si janazadan qaytqan 20-dan astam azamattı policiya «Astana» jäne «Kongress-holl»  koncert zalınıñ mañında wstadı.

Olardı arnayı jasaqtıñ avtobusqa küştep «otınşa» tigeni jönindegi beynematerialdı BAQ pen äleumettik jelidegi belsendileri jariyaladı. Ağadildiñ ölimin zertteu boyınşa qoğamdıq baqılau negizinde täuelsiz komissiya qwrudı talap etpek bolıp tüsten keyin qalağa kelgen belsendilerge öz pikirin aytuğa mwrsat bermedi.

Oqiğa kezinde bolğan astanadağı policiya departamenti bastığınıñ birinşi orınbasarı Baqıtjan Malıbaev tilşilerge belsendilerdi wstau turalı «kün suıq bolğandıqtan üyine aparamız» dedi.

Keybir belsendiniñ tuıstarı mwnı «adam wrlau» dep sanaydı. Keşeli beri Serik Asqarovtıñ jaqındarı onı «policeyler wrlağanın, äli habar-oşarı belisiz» ekenin aytıp, äleumettik jelide izdeu salıp jatır.

Dulat Ağadildi aqtıq saparğa şığarıp salu sätinen. 27 aqpan 2020 jıl. Talapker auılı, Aqmola oblısı. Foto: facebook jelisinen

24 aqpan küni tünde «sud'ya Merzadinova Dinarağa til tigizdi» degen ayıppen qoğamdıq belsendini Dulat Ağadilovti  bir top formasız policey üyinen küştep alıp ketip, erteñine türme izolyatorında qaytıs bolğanı turalı aqparat taradı. Bilik onıñ qazasın «jürekke qan tamırınıñ jetspeuşiligi» sebepti dep atadı.

Dulat Ağadildiñ Almatıda ötkizgen jalğız adamdıq piketi. Foto: äleumettik jeliden

Soñğı kezderi «Halıq ünine qwlaq asatın memleket» qwrudı közdeytin prezident Qasım-Jomart Toqaevtıñ söz erkindigine rwqsat beretin kepildigi miting qarsañında öz küşin joğalta bastadı. Facebook jelisindegi azamattıq bastamağa  monitoring jürgizuşisi #IHaveAChoise #ActivistsNotExtremists  jäne  adam qwqığın qorğauğa arnalğan Qaharman tobı miting qarsañında, aqpan ayınıñ  6-21 aralığında 15 qaladağı 64 belsendige policiya tarapınan ärtürli şara qoldanılğanın jariyaladı.

22 aqpanda ötken sankciyalanbağan mitingte qwqıq qorğauşılardıñ esebinşe elde 300-den astam, al işki ister ministri Erlan Twrğımbaevtıñ sözinşe, 53 qana azamat wstaldı degen bolatın. Sonımen aqpan-toqpannıñ arasında Qazaqstanda wstalıp, qısım-eskertu körgen azamattıq belsendilerdiñ sanı 400-ge juıqtadı. Juırda BWW-nıñ jiınında eldegi adam qwqıqtarın qorğau jaqsarıp keledi dep mälimdegen biliktiñ belsendilerdi «jappay qamauı» toqtar emes.

 “The Qazaq Times”