قوعامدى ءدۇر سىلكىندىرگەن دۋلات اعادىلدىڭ جۇمباق ولىمىنەن كەيىن جەر-جەردەن مارقۇمدى جەرلەۋگە مىڭداعان ادام كەلىپ قاتىستى. اقپاننىڭ 27-ءسى جانازادان قايتقان 20-دان استام ازاماتتى پوليتسيا «استانا» جانە «كونگرەسس-حولل» كونتسەرت زالىنىڭ ماڭىندا ۇستادى.
ولاردى ارنايى جاساقتىڭ اۆتوبۋسقا كۇشتەپ «وتىنشا» تيگەنى جونىندەگى بەينەماتەريالدى باق پەن الەۋمەتتىك جەلىدەگى بەلسەندىلەرى جاريالادى. اعادىلدىڭ ءولىمىن زەرتتەۋ بويىنشا قوعامدىق باقىلاۋ نەگىزىندە تاۋەلسىز كوميسسيا قۇرۋدى تالاپ ەتپەك بولىپ تۇستەن كەيىن قالاعا كەلگەن بەلسەندىلەرگە ءوز پىكىرىن ايتۋعا مۇرسات بەرمەدى.
وقيعا كەزىندە بولعان استاناداعى پوليتسيا دەپارتامەنتى باستىعىنىڭ ءبىرىنشى ورىنباسارى باقىتجان مالىباەۆ تىلشىلەرگە بەلسەندىلەردى ۇستاۋ تۋرالى «كۇن سۋىق بولعاندىقتان ۇيىنە اپارامىز» دەدى.
كەيبىر بەلسەندىنىڭ تۋىستارى مۇنى «ادام ۇرلاۋ» دەپ سانايدى. كەشەلى بەرى سەرىك اسقاروۆتىڭ جاقىندارى ونى «پوليتسەيلەر ۇرلاعانىن، ءالى حابار-وشارى بەلىسىز» ەكەنىن ايتىپ، الەۋمەتتىك جەلىدە ىزدەۋ سالىپ جاتىر.
دۋلات اعادىلدى اقتىق ساپارعا شىعارىپ سالۋ ساتىنەن. 27 اقپان 2020 جىل. تالاپكەر اۋىلى، اقمولا وبلىسى. فوتو: facebook جەلىسىنەن
24 اقپان كۇنى تۇندە «سۋديا مەرزادينوۆا ديناراعا ءتىل تيگىزدى» دەگەن ايىپپەن قوعامدىق بەلسەندىنى دۋلات اعادىلوۆتى ءبىر توپ فورماسىز پوليتسەي ۇيىنەن كۇشتەپ الىپ كەتىپ، ەرتەڭىنە تۇرمە يزولياتورىندا قايتىس بولعانى تۋرالى اقپارات تارادى. بيلىك ونىڭ قازاسىن «جۇرەككە قان تامىرىنىڭ جەتسپەۋشىلىگى» سەبەپتى دەپ اتادى.
دۋلات اعادىلدىڭ الماتىدا وتكىزگەن جالعىز ادامدىق پيكەتى. فوتو: الەۋمەتتىك جەلىدەن
سوڭعى كەزدەرى «حالىق ۇنىنە قۇلاق اساتىن مەملەكەت» قۇرۋدى كوزدەيتىن پرەزيدەنت قاسىم-جومارت توقاەۆتىڭ ءسوز ەركىندىگىنە رۇقسات بەرەتىن كەپىلدىگى ميتينگ قارساڭىندا ءوز كۇشىن جوعالتا باستادى. Facebook جەلىسىندەگى ازاماتتىق باستاماعا مونيتورينگ جۇرگىزۋشىسى #IHaveAChoiسe #ActivistsNotExtremists جانە ادام قۇقىعىن قورعاۋعا ارنالعان Qaharman توبى ميتينگ قارساڭىندا، اقپان ايىنىڭ 6-21 ارالىعىندا 15 قالاداعى 64 بەلسەندىگە پوليتسيا تاراپىنان ءارتۇرلى شارا قولدانىلعانىن جاريالادى.
22 اقپاندا وتكەن سانكتسيالانباعان ميتينگتە قۇقىق قورعاۋشىلاردىڭ ەسەبىنشە ەلدە 300-دەن استام، ال ىشكى ىستەر ءمينيسترى ەرلان تۇرعىمباەۆتىڭ سوزىنشە، 53 قانا ازامات ۇستالدى دەگەن بولاتىن. سونىمەن اقپان-توقپاننىڭ اراسىندا قازاقستاندا ۇستالىپ، قىسىم-ەسكەرتۋ كورگەن ازاماتتىق بەلسەندىلەردىڭ سانى 400-گە جۋىقتادى. جۋىردا بۇۇ-نىڭ جيىنىندا ەلدەگى ادام قۇقىقتارىن قورعاۋ جاقسارىپ كەلەدى دەپ مالىمدەگەن بيلىكتىڭ بەلسەندىلەردى «جاپپاي قاماۋى» توقتار ەمەس.
شەرزاتتىڭ ءولىمى ىسىنە قاتىستى قۇپيا ۆيدەونى جاريالاۋ كىمگە كەرەك بولدى؟ – ساراپشىلار مەديا سىنى
24 قازان – كىتاپحاناشىلار مەرەكەسى قۇتتى بولسىن!
«ۋچاسكەدەن ارۋاققا كوك حات»: الماتىدا مارقۇمعا كەلگەن شاقىرتۋ
كوميسسيا مەن باقىلاۋشى ەسەبىندەگى ايىرماشىلىق: الماتىدا رەفەرەندۋم قالاي ءوتىپ جاتىر؟
ء"ادىل قازاقستان، ەستيتىن مەملەكەت" ەندى ادۆوكاتتارعا قىسىم جاساي باستادى ما؟
«پسەۆدو-بايقاۋشى» الدە كاسىبي باقىلاۋشى: رەفەرەندۋمدى كىم باقىلايدى؟