Narazılar Almatı äkimi Baqıtjan Sağıntaevtıñ şığuın talap etip jatır

Almatıda narazılar qala prokurorınan jauap ala almağan soñ äkimdik ğimaratınıñ aldına barıp, äkim Baqıtjan Sağıntaevtıñ şığuın, halıq talabın orındauın talap etip twr.  

50-ge tarta belsendi «mitingke jinalmağanın» äri prezidenttiñ atına «Toqaev wsınğan «Halıq ünine qwlaq asatın memleket» twjırımın jergilikti bilik iske asırmaytının, basşı retinde qadirsizdik tanıtatının» aytıp  eskertti. «Sağıntaev, şıq!», «Bostandıq!», «Halıqtan nege qorqadı?» dep wrandasqan jwrttıñ aldına arnayı jasaq kelip, äkimdik aldın küzetip twr.

Almatı qalasınıñ işki sayasat basqarmasınıñ basşısı Aydar Esenbekovtiñ uäjine eşkim qwlaq türmedi. Olar 22 aqpan sankciyalanbağan mitingte wstalğan 18 azamattı abaqtıdan dereu bosatudı äri eki kün bwrın türmede qaza bolğan azamattıq belsendi Dulat Ağadildiñ ölimin  ädil tekserudi talap etude.

Qala äkimi Baqıtjan Sağıntaev ädettegidey (qırküyekten beri) narazı toptıñ aldına şıqpadı.

Jinalğandar Dulat Ağadildiñ ölimine tikeley bilik kinäli,  bilik bwl arqılı qoğam belsendilerin qorqıtudı közdep otır,  bilikke qarsı şıqpauğa köndirgisi keledi dep sanaydı. Soñğı beyneündeuiniñ birinde «öziniñ işimdik işpeytinin, temeki tartpaytının, bilik kez kelgen ädispen öltirui mümkin ekenin» eskertken Dulat Ağadildiñ belsendiler onıñ bwrın soñdı «jürek talmasımen» auırmağanın aytadı.

Bügin Aqmola oblısındağı Ağadildi soñğı saparğa şığarıp salğan twsta Aqtöbe, Almatı, Şımkent jäne Tarazda belsendiler marqwmdı eske alıp, azamattıq belsendilerdi quğındaudı toqtatudı jäne biliktiñ tügeldey auısuın talap etti.