Foto: https://ehokg.org

Qazaqstan koronavirus derti tarağan birqatar elmen äue qatınasın şekteydi. Bwl turalı industriya jäne infraqwrılımdıq damu ministrligi habarladı.

Resmi ökil: «Qazir birinşi sanatqa jatatın memleketterge reysterdi şekteu mümkindigi qarastırılıp jatır. Bwl Oñtüstik Koreya, oñtüstik-şığıs Aziya elderi. Tolıq tizimdi densaulıq saqtau ministrligi bekitedi», – dedi. Oñtüstik Koreyada barlıq iri provinciyalar men qalalar infekciya jwqtırğan adamdardıñ bar ekeni turalı habar berdi. Oñtüstik Koreya astanası Seulde tağı tört adam virus jwqtırğan. Elde atalğan dertten 11 adam qaytıs boldı, 1146 adam virus jwqtırğan.

Tizimge Iran da engizilui mümkin. Sebebi Iranda jaña tipti koronavirustı 43 adamnıñ jwqtırğanı anıqtalsa, qaterli virus saldarınan qaza tapqandardıñ sanı segizge jetti. Resmi mälimetter boyınşa, Iran Qıtaydan keyin koronavirus dertinen eñ köp japa şekken el qatarına engen. Osı aptada Türkiya men Täjikstan Iranmen aradağı şekaranı jauıp, äue qatınasın toqtattı.

Bwğan deyin Qazaqstannıñ bas sanitar därigeriniñ qaulısı şıqqan bolatın. Oğan säykes, birinşi sanatqa nauqastar sanı on adamnan asatın memleketter jatqızıldı.

Qazirgi uaqıtta Qıtaydan tıs jerde eñ köp nauqas tirkelgen elder: Oñtüstik Koreya – 1146, Japoniya – 851 (olardıñ 691-i – Diamond Princess kruizdik layneriniñ jolauşıları men ekipaj müşeleri), Italiya – 229, Singapur – 90, Iran – 61, AQŞ – 53, Tailand – 35, Avstraliya jäne Malayziya – 22 adamnan bar.

"The Qazaq Times"