Maqtau, madaqtau jağınan qazaq äli qamşı saldırmaydı. Bireudiñ maqtauı «halıqtıq» maqtanğa wlasıp, sodan belgisiz bireu qayratker bolıp şığa keledi. Bireu malın satıp («bar malımdı şığındap, bolıs boldım, mineki», Abay), bireu barın satıp qayratker bolu qazir qazaq işinde bar. Olar äzirge etekte, erteñ töbege şığadı. Maqtauın kelistirse, nasihatın küşeytse, toqpağı mıqtı bolsa, jetip jatır. Onıñ wlt aldındağı siñirgen eñbegi, tanımaldığı tilge tiek bolmaydı. Keşegi partiyanıñ twsında jaña adam tärbieleu degen bolğan. Bizde qazir sol auru uşığıp twr. Qazaqtıñ emes, är rudıñ öz qayratkeri bar. Bir ökiniştisi, madaqtaudıñ bel ortasında jurnalister jüredi. Qısqası, qoldan qayratker jasau bastaldı. Maqtau taudan qwlağan tasqın sekildi. Tüptiñ tübinde sol tasqınnıñ astında qalatın kimder?.. Ärine, qara halıq.

Qayran, Ğabeñ ne dep edi. «Ay men kün ayqaylamay-aq şığadı ğoy».

Qali Särsenbaydıñ «Şal men şındıq» kitabınan alındı

«The Qazaq Times»