Körneki suret. Foto: aşıq derekköz

Keşe, aqpannıñ 6-sı «Qazpoşta» wlttıq kompaniyası Qıtaymen hat almasudıñ barlıq türin toqtattı.

Kompaniya şekteu şarasın Qıtaydıñ poşta äkimşiliginiñ bastamasımen baylanıstıradı. Soñğı mälimet boyınşa, köptegen şekteuge sebep bolıp otırğan koronavirus qaterli indetinen 637 adam köz jwmıp, jwqtıruşılar sanı 31211 kisige jetken.

«Düniejüzilik densaulıq saqtau wyımı (DDSW) Qıtaydan keletin hattar men sälem-sauqat arqılı koronavirus jwqpaydı dep mälimdegen. ..Wyım koronavirus ağzadan tıs ortada damımaydı, sol sebepti jwqtıru qaupi joq deydi. Qıtaydıñ poşta äkimşiliginiñ bastaması boyınşa Qıtay men Qazaqstan arasında poşta baylanısı, kölik, äue, temir jol baylanısı üzildi» delingen habarlamada.

Poşta baylanısına jauaptı qazaqstandıq operator Qıtay ğana emes, Qıtay arqılı baratın elderge de (Bangladeş, Bruney, Butan, M'yanma, Kambodja, Malayziya, Moñğoliya, Nepal, Laos, Soltüstik Koreya, Tailand, Şri-Lanka, Filippin, Tayvan') tapsırıs qabıldamaytının aytadı.

“The Qazaq Times”