Aymaqtağı belsendi jurnalist Amangeldi Batırbekov sot zalında. Foto: Azattıq / Dilara Isa

Keşe, aqpannıñ 5-i jalğan ayıptaudan japa şegip, birneşe ay boyı naqaq abaqtıda otırğan aymaq jurnalisi Amangeldi Batırbekovtiñ üstinen Läyla Darhanbaeva tüsirgen arız boyınşa Sarıağaş audandıq sotı arnayı saraptama tağayındadı.

Sud'ya Berik Kaipovtiñ Azattıqqa aytqan habarğa qarağanda, belsendi tilşiniñ Darhanbaeva turalı jazğan jazbası men «Sarıağaş-info» gazetine şıqqan maqalası saraptamağa joldanğan.

«Zañğar Medet» qoğamdıq birlestiginiñ törağası Läylä Darhanbaeva Orınbayqızı tilşi «äleumettik jelisine jazba jazıp, gazetine maqala jariyalap, mağan jala japtı, qorladı» degen uäjben Batırbekovke, sonday-aq jazbanı bölisken tağı birneşe adamnıñ üstinen de arız tüsirgen. Sot törağası arızdanuşınıñ swrauı negizinde ol turalı Facebook paraqşasında jazılğan jazba men «Sarıağaş-info» gazetine jariyalağan maqalağa psihologiyalıq-filologiyalıq saraptama tağayındau turalı qaulı şığarıptı.

Bwl Sarıağaş sotınıñ öñirdegi azamattıq belsendiniñ üstinen qozğalğan ekinşi isti qarauı. Bwğan deyin jergilikti şeneunik, Keles audandıq bilim böliminiñ bastığı Bahtiyar Äbdievtiñ «ar-namısıma tiip, qorladı» degen arızımen audan sotı 27 ayğa qamau jazasın kesip, artınşa halıqaralıq wyımdar men qoğam belsendileri aralasıp jürip Türkistan oblıstıq sotı aqtağan bolatın.

Ötkir jazbasına bola jergilikti şendilerge jağa bermeytin Batırbekovtiñ üstinen qayta-qayta is aşıluı – Qazaqstandağı söz bostandığınıñ ahualı, qısımğa wşırağan müşkil häliniñ simvoldıq körinisine aynalğanın añğartadı deydi sarapşılar men mamandar.

"The Qazaq Times"