Birneşe ay boyı jalğan jalamen qamauda bolğan jurnalist Amangeldi Batırbekovtiñ üstinen arızdanuşı Keles audandıq bilim böliminiñ basşısı Baqtiyar Äbdievtiñ özine qılmıstıq is qozğaldı.

Bügin, 5 aqpanda oblıstıq policiya departamentiniñ baspasöz hatşısı Saltanat Qaraközovanıñ sözine qarağanda, Sarıağaş audandıq policiya basqarması Keles audandıq bilim böliminiñ basşısı Baqtiyar Äbdievke qatıstı Qılmıstıq kodekstiñ 420-babı boyınşa («Sarapşınıñ, mamannıñ körineu jalğan ayğaqtarı, qorıtındıları nemese qate audarma») qılmıstıq is tirkegen. Qazir sotqa deyingi tergeu amaldarı jürip jatqan körinedi.

Azattıq radiosı «Qazaqstannıñ söz bostandığınıñ şekteluiniñ» simvolına aynalğan aymaqtağı azamattıq belendi, jurnalist Amangeldi Batırbekov «jäbirlenuşi retinde körineu jalğan aqparat bergeni üşin» şeneunik Äbdievtiñ üstinen arız jazğanın habarladı.

Bwğan deyin jergilikti äkimdik qızmetkeri Baqtiyar Äbdiev «Sarıağaş-info» gazetiniñ redaktorı Amangeldi Batırbekov «ar-namısıma tiip, qorladı» dep Sarıağaş audandıq sotına şağımdanğan. Audandıq sot 2019 jıldıñ 23 qırküyeginde jurnalisti Qılmıstıq Kodekstiñ «Jala jabu» jäne «Qorlau» babımen kinäli dep tanıp, 27 ayğa qamauğa jaza kesken bolatın. Al biıl 9 qañtarda Türkistan oblıstıq sotı Sarıağaş audandıq sotınıñ ükiminiñ küşin joyıp, Batırbekovtı aqtadı.

Bwğan deyin köptegen halıqaralıq wyımdar men qwqıq qorğauşılar joğarğı instanciyalardan qamauda otırğan jurnalist Batırbekovtı bosatudı swrağan. Naqtıraq aytqanda, qazan ayınıñ  soñında bwrın halıqaralıq «Şekarasız tilşiler» (Reporters sans frontières/RSF) jäne «Jurnalisterdi qorğau komiteti» (Committee to Protect Journalists/CPJ) wyımdarı Qazaqstan biligin aymaqtağı belgili jurnalist Amangeldi Batırbekovti dereu bosatuğa, söz bostandığın şektemeuge şaqırdı.

«Jurnalisterdi qorğau komiteti» (CPJ) wyımı «jala jabu jäne qorlau turalı qılmıstıq zañdarın zayırlılıqqa tän qwndılıqtarmen jetildiru kerek, mwnday mäseleler azamattıq ister qatarında qaraluı tiis» degen bolatın.

RSF halıqaralıq wyımınıñ reytingisinde Qazaqstan söz bostandığı  boyınşa 180 eldiñ işinde 158-orında twr. Sonday-aq «Ädil söz» söz bostandığın qorğaudıñ halıqaralıq qorınıñ esebinşe, «Jurnalisterdiñ zañdı käsibi qızmetine kedergi jasau» reestrinde HHİ ğasır bastalğalı beri, 2000 jıldıñ qañtarı-2019 jıldıñ qırküyegi aralığında tilşiler jwmısına 839 kedergi keltiru faktisi tirkelgen.

"The Qazaq Times"