Germaniya kancleri Angela Merkel' jäne Qazaqstan prezidenti Qasım-Jomart Toqaev. Körneki foto: Vernd von Jutrczenka/dpa

Berlinde Germaniya men Qazaqstan Sırtqı ister ministrleri kezdesti.

Germaniya sırtqı ister ministri Hayko Maaspen kelissöz jürgizgen Qazaqstan SİM Mwhtar Tileuberdi: «Qazaqstanda Doyçe bank, Knauf, Metro sekildi Germaniyanıñ alpauıt kompaniyaları jwmıs isteydi. Qazir Qazaqstan men Germaniya arasındağı ıntımaqtastıq sapa jağınan jaña deñgeyge şığıp otır. Jalpı Qazaqstannıñ negizgi basımdıqtarınıñ biri - investorlarğa qolaylı jağday jasau. Täuelsizdikke ie bolğannan beri elimizge 300 mlrd dollardan asa investiciya tarttıq. Bwl bağıtta jwmısımızdı jalğastırıp kelemiz. Investorlarğa barlıq kezeñde qoldau körsetip jürgenimizdi aytqım keledi», – dedi.

Mwnımen qatar, Mwhtar Tileuberdi Germaniyanıñ ekonomika jäne energetika ministrimen kezdesip, investiciyalar men elderimiz arasındağı ıntımaqtastıqtı nığaytu mäselelerin talqığa saldı. Taraptar kelesi jolı Qazaqstanda jüzdesuge kelisti. Peter Al'tmayer jazda elimizde ötetin Düniejüzilik sauda wyımınıñ ministrlik konfereciyasına qatıspaq.

Germaniyadağı logistikalıq kompaniya ökilderi: «Qazaqstandı jaqsı bilemin. Jibek jolında bwrınnan istep kelemiz. Bwl Europa men Aziyanı jalğaytın mañızdı jol. Apta sayın Duysburg teñiz aylağınan 35 poyız jiberip twramız. Germaniya men Qıtay arasında köptegen elder ornalasqanın wmıtpauımız kerek. Qazaqstannıñ kölik tasımalı men logistika salasında äleueti zor, biz qatısa alatın köptegen jobaları bar. Berlindegi kelissözderimiz jaqsı ötti. Infraqwrılım, kölik pen logistika salasında meniñ naqtı jobalarım bar», – deydi.

Germaniya Qazaqstannıñ eñ iri üş sauda äriptesiniñ qatarına kiredi. 2017 jılı şildede Qazaqstan men Germaniya iskerlik keñesiniñ otırısında qwnı 872 mln euroğa bağalanatın 21 kelisimge qol qoyıldı. Al biıl 25 naurızda Germaniya Qarulı Küşteriniñ äskeri qimıldardı model'deu jäne äskeri medicina salasında cifrlıq monitoring jüyesin paydalanudı üyrenu maqsatında arnayı jasaq bölimşeleri arasında täjiribe almasu turalı kelisimderge qol qoyıldı. Bıltır eki el arasında äskeri ıntımaqtastıq kelisimi qabıldandı.

"The Qazaq Times"