Qazaqstan prezidenti Qasım-Jomart Toqaevtıñ Germaniyağa issaparı, 05.12.19 j. Foto: http://www.exclusive.kz

Prezident Qasım-Jomart Toqaevtıñ Germaniyadağı resmi issaparı bastaldı.

Qazaqstan delegaciyasınıñ saparı eki künge josparlanğan. Eñ mañızdı kelissözder Germaniya kancleri Angela Merkel'men jäne prezidenti Frank Val'ter Ştaynmayermen ötedi. Sonday-aq biznes qauımdastıqpen keñ auqımdı kezdesu wyımdastırılıp, Berlin Euraziyalıq klubınıñ 28-otırısı ötedi.

Memleket basşısı sözinde: «Men özimniñ saylaualdı bağdarlamam men halıqqa arnağan joldauımda qoğamdı sayasi jañğırtu jöninde ayttım. Osı salada jaña reformalardı qolğa almasaq, ekonomikanı odan äri damıtu mümkin emes. Mwnı tüsinu üşin Markstıñ eñbekterin oqıp şığu kerek. Ekonomika men sayasat bir-birimen tığız baylanıstı», – dep atap ötti.

Hattama talaptarına say saltanattı qabıldau, iskerlik tüski as jäne baspasözge arnalğan mälimdeme de qarastırılğan. Kelissözder eki el arasındağı strategiyalıq seriktestiktiñ jaña bağıt-bağdarın ayqındauğa arnaladı. Äri qwnı 2 milliard AQŞ dolları bolatın qwjattarğa qol qoyılmaq.

Germaniya Qazaqstannıñ eñ iri üş sauda äriptesiniñ qatarına kiredi. 2017 jılı şildede Qazaqstan men Germaniya iskerlik keñesiniñ otırısında qwnı 872 mln euroğa bağalanatın 21 kelisimge qol qoyıldı. Al biıl 25 naurızda Germaniya Qarulı Küşteriniñ äskeri qimıldardı model'deu jäne äskeri medicina salasında cifrlıq monitoring jüyesin paydalanudı üyrenu maqsatında arnayı jasaq bölimşeleri arasında täjiribe almasu turalı kelisimderge qol qoyıldı. Büginge deyin Germaniya Qazaqstan ekonomikasına şamamen 8,5 milliard dollar qwyğan.

Ayta keteyik, prezidenttik lauazımına kiriskeli Q.Toqaev Aq üy basşısı Donal'd Tramp, Şveycariya prezidenti Uli Maurer, Ukraina prezidenti Vladimir Zelenskiy, Gruziya prezidenti Salome Zurabişvili sındı sayasatkerlermen kezdesti.

"The Qazaq Times"